ناوي بصلي نافله قبل العصر
مساجله شعرية لفن الرزحه ( بقروب ) نجوم الشعر والميدان بين كلا من الشاعر| سالم بن سعيد المحيجري والشاعر :خميس بن سالم الهاشمي بتاريخ 27/4/2015 سالم: لبوا النداء أهل العباده والصلاه. ناوي بصلي النافله قبل العصر و عن لاتقولوا سالم قروبه نساه. لابن الهديفي نرسله هذا الخبر. خميس: بس الهديفي لي فوادك مبتغاه. باقي الاوادم عن دربهم تنقصر. كل قلب يتبع علته وميلت هواه. معذور قلبك سالم ومقبول العذر. سالم: يا مرحبابه الهاشمي في ملتغاه. اسم ن تلألا في دواوين الشعر. والآدمي ما دامنه ربي عطاه. وكل من صبر ربه يضاعف له الأجر خميس: سالم أشوفه قلبك تابع لي تباه وعنه هواء فوادك أحسن أصتخر. مقدر أجازف في بحرن عميق مداه. ولا أقدر أشامر نار من لض الجمر. سالم: يلي طلب ربه وبالدعوة رجاه ربه يباركله فدينه والعمر وبحرالهوى يوم تغلس مع سداه. حذرك من الأمواج في وقت الخطر. خميس: أنا قلت لك ماشامره ريح الفلاه. ويوم ن تهب الريح أجلس وأنتظر. ويلي ينادي واجبي أتبع نداه. يوم ابتلينا بالقروب أولى الصبر. سالم: يلي تبع دكتوره في وصفه ودواه كل آدمي محدود في الدنيا بعمر. والي تغشم دايم ن يحصل جزاه. كلكم فقلبي وحالكم داعي قدر. خميس: أنته فوادك بعده في أول صباه. وأما فوادي فالدنا شاف الأمر ودي أساير من مثلك على معناه. لاكن تراني شيبه وقليل البصر سالم: ما كل شاعر ف هالدنا ربه عطاه والمبتلي بالود يجاسي بالعبر بختم مثالي واعذروني يا القضاه ويا رب تبقى يا جروبي معتمر. خميس : يلي بنالي من ضميره ومن حشاه. من خاطري أبنيله فالضامر قصر وبثني بوداع ويرد للغافل هداه. ويدعى فؤاد العاقل يمعن بالنظر. تمت المساجله نقلها لكم سالم بن سعيد المحيجري |
اخي العزيز والشاعر القدير سالم سعيد المحيجري محاوره جميله جدا ورائعه بينك وبين الشاعر القدير خميس سالم الهاشمي ما عليكم زود وصح لسانكم ودمت بكل خير وموده اخي الكريم |
اقتباس:
شكرا على مرورك وتعلقك دمت بخير |
مساجلة جميلة بالفعل خوي سالم
صح لسانكم وماعليكم زود نص وإرشاد وحكمة تتجلى في الأبيات بطريقة مميزة لفن الرزحة الأقرب إلى. تحياتي |
الشاعرة وهج الروح شكرا تواجدك هنا بين متصفحي وتعليقك على هذه المحاورة دمتي بكل خير اختي الكريمة |
الساعة الآن 05:01 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir