منتديات السلطنة الأدبية - دمـع االـرجـاجيـل

ياللـه عسى عقب الصعايب تساهيـل
وتـزول عـلات الضميــر السقيمـــه

كثـر العنـا بـي والتعـب بيّـد الحيـل
وجـروح قلبـي فالخـوافي مقيمـــه

اسهـر مـع الهاجـوس واخاوي الليـل
واشــد بالقيـفـــان رحْـل العزيمــه

واخايـل النجمـات واسـرح مع سهيـل
وابيّـح اللـي جـاش فالقلـب ضيمــه

واجـرّ مـن بـدع المثـايـل مـواييـــل
تحكـي مـن التذكــار قصــه قديمــه

قصــة حـزن تنـزف جـروحٍ دماميـل
سطّـرتهـا بشريـان قلبــي وصميمـه

يا صاحبـي لا شفـت دمـع الرجاجيـل
يـذرف كمـا ودق المطـر من وديمـه

اعلـم تـرى ضاقـت حنايـــا المقافيـل
وجـارت عليهـــا الداجيـات العتيمــه

ما جيـت بشـرح قصتــي بالتفاصيــل
حتــى ولـو أعلنــت فيهــا الهزيمــه

يـا رب عونـك مــن غثيــث الغرابيـل
آنـا دخيلــــك والنوايــــب عظيمــه

تكشــف همــومٍ عالضماير مثاقيــل
وتحــل ضيقـــاتٍ بحالــي جثيمــه

خلفـان عبـداللـه الـوشـاحي