|
الحوريه : للشاعر محمد عبد القوى حسن
الحوريه ------------- للشاعر محمد عبد القوى حسن عضو اتحاد كتاب مصر ---------------------- من عبير بسمة عيونك سندس الفرحه بجمـــــالك من خدود فرحة رموشك وابتسام الفرح جـــــارك اكتب النسمه اللى راسمه ضحكتين على خد شالك واحترم طلعة ورودك فى تفانين اكتحالك فى عسل سحر وضيك وفى حليب صفو اشتهائك وفى مراسى امنياتك يكتب الشعر فى كتابك ينزل البدر لدروبك يشعل الاكوان عشانك يشرب النور من جبينك يستحم فى نور حنانك ياحلاتك فى صفاتك سبحانه المولى اللى زانك مستحيل الصعب شبهك وانتى شبه المستحيل فى الكونين ماشفت مثلك او فى كون اجمل جميل الندى يشرب فى عطرك حتى عرقك سلسبيل اشربك نظره بديعه واحلمك مهره فى ليل فى عيونك سحر بابل وفى حنينك نيل طويل وفى شعورك حس راقى بين شعورى شىء نبيل تنقشى فى نبضى حروفك ينطقك نبضى غزال مليونين كلمة بحبك من بساتين الجمال كلمتين نفسى اقولهم فى عيونك كلمتين لو بحار الدنيا تنفد ما ينفدوش الكلمتين كلمه من شهد الشهاده من جمال زايد زياده يشهد العالم بسحرك وانا اقول دى شهاده عاده انتى فى حسنك ووصفك ماانتى محتاجه لشهاده وكلمه من حس الرهافه من عيون شف الشفافه لو جميع الكون لطيف ماشبه لطفك لطافه الهوى حاول يسابقك ما قدر يمشى بجوارك والحنين والياسمين دبلانين غيره من جنانك لو سنين عمرى بطولها بكل اشعارها وعطورها عشتها انا لجل كلمه من شفايفك نفسى انولها ضمتين من شفتين تلات حروف بينقطوا نقطتين مليانين نبض وحنين بيسقطوا فى كل انهار السنين السحر والشوق ياحلاتك يطلع النور والبدور يدخلوا فى عطور صفاتك منك واليك الزهور اللى شاربه من كاساتك تسكر النسمات والامنيات فى كلمه من سكاتك قطعوا الشبان ايديهم يوم انتى مريتى عليهم والجميلات بيغازلوا فيكى يوم انتى هليتى بواديهم والقمر والشمس وسماهم نادوكى نفسهم مره تهاديهم نظره حلوه كلمه غنوه نسمه سلوى حسى بيهم اما انا فى بحر الهنا رحمة الله علـــــــــــــــــــــى موتى فيكى بيهاديكى روحى ليكى ابسط هديه روحى على كفى اليسار وبكفى اليمنى وصيـــــه فى الحياه ميت فى حبك والممات انا قلبى قبرك وفى حنانى وفى امانى وفى جنانى انتى الحوريه |
أخي الغالي محمد عبد القوى حسن السلام عليكم ورحمة الله وبركاته قصيدة جميلة لامست أوتار القلب ... صح السانك ...أتمنى لك التوفيق الدائم ....أنتظر تواصلك الطيب معنا لروحك الياسمين ...دمت في رعاية الله تحياتي وجل تقديري |
اخي العزيز والشاعر القدير محمد عبدالقوي حسن ابيات جميله جدا ورائعه صح لسانك اخي القدير وننتظر جديدك هنا دائما بكل شوق دام قلمك المبدع ودمت بكل خير وموده اخي الكريم |
اخى الشاعر الكبير سالم الوشاحى
اشكر مرورك الراقى ايها القدير الجميل المحترم
وبالفعل نحن فى امس الحاجه للتواصل الادبى فيما بيننا واتمنى ان اتواصل معك بالفعل ومع الشعراء الكبار واتمنى تشرفونا فى مصر عن طريق اتحاد كتاب مصر فى امسيه لكم لنتعرف على ابداعاتكم اكثر وهذه دعوه رسميه مفتوحه لكم وان شاء الله يثمر التواصل الادبى بيننا ووفقكم ربى لما يحب ويرضى وكل عام انتم بخير ايها الراقى الجميل |
اخى الحبيب الشاعر الكبير
عبد الله الراسبى اشكرك من اعماق قلبى على تواصلك مع قصيدتى وتحليلك لها واسعد دوما بتواصلكم وتوجيهاتكم وابداعاتكم الراقيه محل تقدير واحترام كبيرين وكل عام انتم بخير اخى الكريم |
الشاعر الكريم محمد عبدالقوي
الشاعر الرائع محمد عبدالقوي حسن الزجل المصري قمة في العاطفة والجمال تحياتي لإبداعك أيها الراااقي جداً |
اخى الشاعر الكبير
صالح السنيدى دمت لى بكل حب اخى الغالى تقبل محبتى واحترامى لك دوما ياجميل |
| الساعة الآن 01:20 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir