متعب كثير ودرج ذاكرتي من الحسرة يشيل
وانتي ولا منك رجا ما غيرك احزان وأنين

متعب وفي صدري تشب النار وانفاسي رحيل
واحساسي المفعم حياة بداخلي جداً حزين

حاولت لكن الصعب أني أماري المستحيل
أني اغوص ف بحر هايج والغرق عندي يقين

لكن رغم هذا ركبت بمركبي رغم الحصيل
إللي بقفير العمر واجهل وجهتي صارت لوين

أعطيت كل شيٍ عطيت الحب ما كنت البخيل
كنت السحاب إللي سقى روحك من كفوفه سنين

وأنتي العنا كنتي لقلبي مول ما كنتي الهديل
إللي على اغصاني يغرد حب ويمنحني حنين

ما كنت أنام إلا وّنا مقهور وأتنفس غليل
واتعوذ من إبليس واكتم داخلي همٍ دفين

ويمرني اليوم وانا شايل على اكتافي الثقيل
الضيق وإحساسٍ نشف من كثر مانتي تجرحين

والآن ما أملك سوى قلبٍ إلى العزلة يميل
واضغاث نبضٍ في صدر مُجهَد ولايرضى يلين

استسمح الحسرة إذا تقدر تريحني قليل
انا تعبت وداخلي هالطفل مهموم وحزين


عبدالكريم السعدي