|
وحشـــــــــــــة غيـــــــــــــــــابك
السلام عليكم هذي قصيدة من دفتر البدايات وما زلت في البداية بس هذي القصيدة حبيت أنشهرها بدون أي تغيير. وحشة غيابك سرى ليل الجروح إللي تجنى بوحشة غيابك وانا في لوعة الذكرى ضريرٍن يحتري نوره اسامر ذا الورق واكتب واطالع صفحة كتابك لقيت إن الكلام إللي كتبته تنزف سطوره ودريت إنك تبي قربي وهذا البعد يشقا بك وعرفت إن الهجر يشقي إذا ما كفْت شروره أحبك لو رياح الاآه جارتبي على بابك واودك رغم حّر البعد وانا صابر على جوره اموت بشوفتك والقى عيوني تلثم اهدابك وانا اسْبح في محيط الشوق ولا خانتني بحوره يشاغلني نسيم الشوق أشمه ريحة ثيابك وعيني ب الوله تذرف حنين الوصل وسروره تصدق وإن نسيتك يوم يمر الطيف بعتابك يلوم الخاطر السالي يعاتب لحظة غروره واضمه طيفك الغالي اعزه من غلا احبابك لإنه ذكر الخاطــــر حبيبة إسمـــــها نوره |
صح لسانك شاعرنا
جميل جدا ان نشارك بما كتبناة في السابق والاجمل الا يبق سجين الادراج اسعدني تواجدي هنا عبر متصفحتك وسعدت بقراءة هذة القصيدة رغم مرورر سنوات عليها الا انها تبق هي الوليدة وليدة هذة الصفحة اعجبني اسامر ذا الورق واكتب واطالع صفحة كتابك لقيت إن الكلام إللي كتبته تنزف سطوره تحيتي أمل عبدالرحمن |
اقتباس:
أستاذتي سعيد جدا بمرورك ولا شك ان هذ تشريف لتلميذكم عبدالله العمري |
عبدالله دام البدايه كذا كيف ألحين ؟؟؟؟
ما فيك حيله الغالي ..... الشاعر / سيف الريسي |
اقتباس:
هلا وغلا كل الشكر لتواجدك هنا تسلم أخوي الشاعر سيف الريسي |
ما أجمل عبق الماضي ياعبدالله ... قرأت فعشت معك الماضي الحاضر شعراًً
|
اقتباس:
سعيد بمرورك عزيزي لك التقدير والود |
أخوي عبدالله موفقك انشاء الله
أعجبتني كلمات القصيدة جدا اموت بشوفتك والقى عيوني تلثم اهدابك وانا اسْبح في محيط الشوق ولا خانتني بحوره فما أجمل اللقاء بعد الغياب... تمنياتي لك بالتوفيق بنت دبا |
عبدالله العمري
جميل أن نحتفظ بالبدايات والأجمل أن ننشرها ولا نخجل منها طبات أوقاتك سيدي دمت بألف خير |
| الساعة الآن 01:55 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir