|
يا سنيسله جودك مخايل ينسكب
اليكم محاوره في فن الرزحه بيني وبين الشاعر القدير محمد بن راشد السيفي في اول يوم عيد الفطر المبارك في ولاية صور في منطقة سنيسله وذلك يوم الاثنين بتاريخ 26/6/2017 عبدالله الراسبي ذكروا نبيا سبّح في نارا تشب ******** لي مقيّدا بقيود اثقل م الجلول وبنثر سلامي عد جالودا يهب **** م تزعزعه صم الرّواسي والسّيول محمد السيفي على النبي صلينا بلا قول وتعب ********* آخر نبيا جانا للامه رسول جينا نزور سنيسله وصدري رحب *** صف السّناني يا ناسا عليكم قول عبدالله الراسبي ياللي قطع قصوى بديه ومنترب ****** رحّبت به بعداد م الفارس يجول ويا سنيسله جودك مخايل ينسكب **** يسقيك ربي الليله خولا بعد خول محمد السيفي لو م المواتر عندي بوصلكم اخب **** لوّن سكون الاشخره ولا محيول وهذه ديار العزّه واصحاب الطّرب ** معقول انسى خوتي عبدالله معقول عبدالله الراسبي رينا الوفق ميسور من بعد الكرب *** سبحان ربي الآدمي ف امره عجول لوّن يصارع فوق هامات الحرب **** ماشي محاله لو قالوا البطل مقتول محمد السيفي لا تلومنا عبدالله يكفينا العتب ********* وسمحوا لنا اهل الذلايل والخيول كل عاد شايب راسي ولا اصيب الدّرب ** ويوما فطرنا هاييت الشّهر مهلول عبدالله الراسبي هيش كلّفك تتبع مساريحن يدب **** محنه وصعيبه قصّاف البرق بالطول وما جاز له شوّال يتقدّم رجب ******** محمد وجابل تفسير العجم مدلول محمد السيفي انا مثيلك اشكي الدنيا بعجب ***** سالم تعبني كلّفني ف راسي شلول ومعنا مدير الدوله قاري فالكتب ***** نبغى مثالن غيره هيشا با تقول وبعد ذلك دارت محاورة مربوعه مثل بيني وبين الشاعر سالم بن مسلم المحيجري سالم المحيجري عرّب بالمثال وغنّي ****** والنّوايح شيبنّي شوف لي احسن غنيّه *** لي عليها الاعتماد البارحه لي مصادفنّي *** باليمين معاهدنّي ناوي في قلبي نويّه *** يشل عقلي والفواد عبدالله الراسبي با قلّب نوايح فنّي ******* ياللي شوره مكلفنّي سطّر وكتب لي قريّه *** لن ضاع من راسي المراد والقرايح شاورنّي *** فالمصادم ما قفنّي قالن مطلوبه هنيّه *** ومقصوده الطّرب ينعاد سالم المحيجري لو انّه صغير السنّي **** والفواد مطاوعنّي ودي برمستا ليليّه *** لين م يحين السّهاد اشوفه ربيعي معاذرنّي *** من فواده مسامحنّي خايف لا يشكي عليّه ****** يدعي للمثل معتاد وتمت المحاوره |
الله الله، أخي عبدالله الراسبي، ويا السيفي والمحيجري، محاورتان رائعتان تستحقان الكتابة بماء الذهب، بورك فيكم جميعا.ش |
اخي العزيز الشاعرالقدير عبدالله الراسبي شكراً جزيلاً لك على إبرازك لناهذه المحاورة الطيبة والشكر كذلك موصول للشعراء المشاركين معك وماعليكم زود تقبل مني مروري وإعجابي واجمل تحياتي |
الشاعر /عبدالله الراسبي صح لسانك انته والشاعر محمد السيفي والشاعر سالم مسلم المحيجري محاورة مميزة جدا تمنياتي لكم بالتوفيق بارك الله فيكم. |
صحت السنتكم
|
اقتباس:
في حضورك الراقي والمميز ودمتي بكل خير وموده اختي الكريمه |
اقتباس:
في حضورك الراقي والجميل وما عليك زود ودمت بكل خير وموده اخي الكريم |
اقتباس:
وما عليك زود ودمت بكل خير وموده اخي الكريم |
اقتباس:
|
| الساعة الآن 10:59 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir