***حبك السامي***
 

السلام عليكم ورحمة الله وبركاته
اولي مشاركة واتمنى ان تنال اعجابكم

بصوت اللال والونه اسامر حبكم بالكيف
وانصب خيمة ودادك على دقاته خفوقي
بي طروق الهوا وفنه اداري حبكم بالريف
غلاتك تمطر بقلبي تبلل بالهنا عروقي

اهيم بنجمك وضمه وغازل حبك بتشريف
اصوّغ بالغلا حروفك واشكل حبك بذوقي
ربابة عشقي بلحنك سكن قلبي بلا تكليف
على انغامها صوته يهدّى بالي ويروقي

انافس بالحلا قمره وخلي باول التصنيف
اروض حبك السامي وخيله وده سبوقي
عسل في ضحكك ودمك اذا هب بالحشايا طيف
اذا لحظه تغيب عني يزيد بداخلي عوقي

معاك بدنيتي جنه تنسيني لهيب الصيف
على راحاتها عيونك انوّخ ركبي وشوقي
حفرتك داخل ضلوعي وروحي ماتبي تعريف
اكنّك داخل بقلبي وحبك طبعته فوقي

بغيتك بالوفا شمعه وضيّ بداخل التجويف
خيوطه حسك بصدري وشمسه حبك شروقي
بدونك دنيتي ظلمه واعيش بعالم التحريف
حبيبي خلّك بجنبي وهذي ابسط حقوقي

أيتها الساميه

كاملة البلوشي

نص يجبرني على العودة بعد حين

فـ / هنا يتوقف الجمال

غلاتك تمطر بقلبي تبلل بالهنا عروقي.....
هل هنا رجاء أم وله أو تمني ؟؟؟


بيت وقصيدة راقية .. جميلة .. عذبة تثبت لنا بأن الأقلام النسائية طاغية وراقية حد السماء



لكي كل التقدير لهذا النص الجميل

وهذي أبسط حقوقنا عليك
أن نقف لك إحتراما
دمت للحرف

موفقة كاملة ..



شكرا لحسك / وقلمك.

ننتظر القادم الأجمل والأجمل .


دمتي بخير

كامله القديره

نص جميل محمل بعاطفه عذبه وصل الاحساس ببساطه

بانتظار المزيد

كاملة وقصيدتك مثلك كاملة
والكمال لله
تحياتي :
أحمد الغفيلي