|
ع القافيه المهْوي يخطْ ( قافية الطاء = فن امبم =)
السلام عليكم ورحمة الله وبركاته اعزائي الافاضل احببت اليوم ان اضع بين ايديكم هذه القصيده في فن امبم بقافية الطاء فهي من اصعب القوافي في الشعر على حسب ما يقولون الشعراء القدامى لذلك من اراد ان يشاركني ابداعه ويمشي على هذه القافيه فليتفضل قال عبدالله الراسبي صلّوا على جدّ السّبطْ ***** مليون زيدوا بالصّلاه ****** اللي على الخير انْبسطْ وببدي بسلامن سلْسلي ******* وتحيه م الديره تقطْ ميل وتمايل بالمثل ******** وفوق الحرف خلّي نقطْ باخطّ لك قولن سديد ****** وع القافيه المهوي يخطْ عن لا تسايرني بكلف ****** شرواته لي مكلّف ينطْ في فنّهم مهوي اغْتلس ******* في مزْمله ثار وسقطْ وصار ايْتلعْثم بالحكي ***** وف مسايله طاح وخبطْ م يهمّنا قول العذول ******* لي ف سيرته دايم يسطْ نبغى حكي يتواصفوه ****** غربي المصنعه والقرطْ ويشلّني بحرف الوزن ********* يرجح بميزانه قسطْ م يشلّني نص الدّرب ******* ونص الدّرب عنّي يغطْ م سمعت به طير الْقطى ****** شرقا البطح ثاير يحطْ والخاتمه شدّ الرّحيل ******** يالله ي صاحب فالزّمطْ وتقبلوا تحياتي |
مرحبا ابو نصر زين مثل هذه القوافي الجميلة الواحد يتعود عليها واليك ماجادت به القريحة:- علينا تمكن بالشرط واللي تغرد بالكلام ابونصر سوى شخط يامرحبا بقول العضيد اللي تمكن مايشط بصياغتك قول عجب المعنى عندك مااختلط مايهزكم قول العذول وانا سنادك بالنبط ولايهزكم قولة فلان لعند ربعه يمتغط بنطرز ابيات القصيد بنمدح الطير الرقط بنزيد بمدح المها والمدح بغزال ارتبط قلب كلامي يالاخو تلحن بقولي واغتبط افرح وفرح قلوب عرب عليها واشترط فرد مداخيل الهوى مايستوي مهوي عبط واحذر تلعثيم اللسان وانتبه قول الفرط شط يا خويه الراسبي وخل نطقك لك ربط وخلي دروب الباطنة عاشقي اللون الحنط والخاتمة يقولوالخليج معروف بخام النفط ومنك السموحة |
تحياتي أخي عبد الله ليست مجاراة ، ولكنها محاولة متواضعة قد نتعلم هذا الفن العريق ..!! أمشي بفني عالجنط جيتك ي عبد الله برق** وعلمي انا بفنك وسط اقبـــــل سلامي وانشدك**تقبل بفنك انخـــــــرط القافية أتقنتــــها **وعلمتنا ايّـــاه بالضبـــــــط نمشي على دربك سوا**وفنك بحـر وانا ع شط واللي تحداكـــــــم هنا**خاسر وبالجـــوله وِرَط بحر الرجز ما بــــه سفن**وامبم بحر لكن بشرط والخاتمه حروفي اعجزت**ومبعثره ما الها شنط |
واحد فقط
ماشاء الله قصيدة جميلة اخي عبدالله الراسبي وماقصروا الزملاء الذين سبقوني بالمشاركة واسمح لي أن أدرج هنا هذه الكلمات لعلها تلامس الطلب ،،، يقول أبو مسلم : ذكروا النبي فرد ورهـط ----- واجـــب عـــــلينا نذكـره ---- يللي اجحده أشهد غلط وملزوم بردود الســلام ---- قسمه على مقام وبسط ألفين فـــوق اثنا عشـر ---- حال الذي ديــــنه قلـــط من كان مايعـرف يعـــد ---- يحسب على يدينه زلط حـن مابغــينا نعامــــله ---- موصوف من أول ملط كم ٍ وكم ْ اللي يصـيـح ---- أموالـــهم شـــــل ولهط قام يتمسكن ع العـرب ---- وكل واحد ٍمــــد وبهــط ياصاحبي قولك عجـب ---- يبـــغى مترجم م القبــط جوهر والماس ٍ ولـول ---- من بحـر طامي ملتقـــط ماتاجروا به في المزاد ---- أمسح وأربح بالقشـــط هــــــذا تراث الأولـــي ---- مضمون ســوقه ماهبط ولانويت للشومه بعيـد ---- لا ترابعــــه يللي قـنـــط والخاتمه تــم المثــــل ---- وســط القلب واحد فقـط تحياتي ،،،،،،، |
يقـــــول بــــو ميحـد: بمشــي علـــــى نفس النمـط بـــا نذبحة الثــــور السمين والجلــد بندبغة بقـــرط مــش هـــاتلي طشة صميل بو نصـر لافينــي شخط بـــــا نــــوسمه هذا اللغيث يلين شاربه يسوي نفط يــــا بــــوك دجــــان القلب بونه خطير ساعت هبط لحقــــوا وداوو هــــالمريض بحلتيت سعطوه سعط فـــــرحانه جــــات الضفـدعة اب غليها وتقول شط الكبـش فـــي راسه نعــر كيف انثره ســـاعت عفط محـــلاه صيــد الكنعــــده والعندقــــه فيهـــــا زفــط خنفـــوس اب راعي تجاره كان تحسبه تاجر غلط عينـــه علــــى بنـــك السلف من كيه بتفش الخطط أول رهــــن كلهـا بيوته وراعي الرهن يطلب فرط بيتـم فــــي حـــــالة فلس لــــو كثروا لـه من البهط يــــركض عبــــث دوم الدنــــا واخــــر الموتر خلط والخاتمـــة اخــــر زمـن احتــا الخنفسانه اتشيطنط |
اخي العزيز ابو نادر السعدي رد جميل جدا ورائع تسلم يمينك على هذه الابيات الرائعه والجميله اشكرك على مرورك الجميل والطيب مبدع تقبل تحياتي |
اخي العزيز خليل عفيفي يسلم قلمك الجميل على هذا الرد الجميل والرائع مجاراه طيبه جميل اخي العزيز ابدعت واشكرك على مرورك الجميل والطيب وانت ما عليك زود شاعر تملك احرف جميله تقبل تحياتي |
اخي العزيز ابو مسلم تسلم يمينك على هذا الرد الجميل والرائع وجميل ما خطت به يمينك مبدع بحق واشكرك على مرورك الجميل والطيب وحروفك هي الاجمل والاروع هنا تقبل تحياتي |
اخي العزيز ابو ميحد تسلم يمينك على هذا الرد الجميل والرائع وجميل جدا مجاراتك لهذه القافيه واشكرك على مرورك الجميل والطيب مبدع بحق ملاحظه بسيطه اخي العزيز انت كررت كلمة غلط وهذه الكلمه قالها قبلك الاخ العزيز ابو مسلم يمكن يكون خطا املائي تقبل تحياتي |
اقتباس:
|
| الساعة الآن 02:58 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir