|
سكرة غيابه
بســم الله الرحمن الرحيــم .. جــاءت بلا موعد كالعــادة ،، لقــلوبكم النقية .. ســكرة غيـــابه وش لي أعيث الهمـ في وحشة الكبت والحـزن خايف لـوّحت لي أيــــاديه .. ماكـان فـ الحسبان ياليتـــــني طبت من قبـل حزنـي يـرتجيني أخــليّه .. ذي عادته فـي كلّمـا جيت أو غبت أقطف ثمار الصبر مـ القلب وأعطيه .. الغصن قلبي والهوى تــربة النبــت والثمر صبـري , والعطــاء والمشــاريه جملة جروحـي حزنهــا يوم خيبّت فزعة أمــاني همّهــا (( لا تعنّيــه )) .. وأمـا فـ قربه يا حـزن قول وش جبت ؟؟ غير إحتياج(ن) من صــدوده يجـــازيه ..!! اثملت كـاس البعد ياصـاح وأذنــبت وأحزان تتــرنح وأنــا في طواريـــه .. سكرة غيابه بعــدها ما بعد تــبت أثمل جفــا ، واصافح صدود يــدّيه !! أسكب مزوني في جفافــه وأتعبت غيمات شوق(ن) جففتهـــا آراضيـــه لأجـله عشانه من عنـى البرد أحطبت لهفة ضلوعــي معطف(ن) لـــه يــدّفيه .. وش لي أعيث الهمـ وأنـا ما بعد طبت ولــ اليوم حزنــي يشتكيني وأحـاكيه !! أختــكم .. شيخه العريمي . |
صح لسانج أختي الشيخه،،،، نص جميل ورايع وفيه من الصور الكثير الي تحير المتذوق اي الأبيات تكون الأجمل،،، بس عندي ملاحظه بسيطه إذا توافقيني الراي@ ((ذي عادته في كلما جيت أو غبت))) لو أنج قايله ذي عادتي به كلما جيت أو غبت لأنج قالشطر الثاني أنتي الفاعله أنتي الي تقطفي الثمر مب هو،،، وجهة نظر لا أكثر لن تنقص من جمال القصيده أي شي @،،،، تقبلي مروري المتواضع ،،، بأنتظار أبداعات أناملك
|
الشيخة كلمات جميلة ونص به من الجمال الكثير لك السعادة دائما |
الأخت الفاضله الشيخه السلام عليكم ورحمة الله وبركاته صح السانك ولاهنتي قصيدة في منتهى الجمال والحبكه رائع جداً ما ينسجه فكركِ الراقئ بين سطور هذه القصيدة دمت بحفظٍ الرحمن |
الشيخة الشاعرة المبدعه
جميلة هذه الأبيات وموضوع أجمل كل بيت يشوق للبيت الآخر غيابات تأتينا بالأجمل في كل مره |
اقتباس:
شيخة انسياب جميل وقافية جميلة |
اقتباس:
لك الشكر وإحترامي .. |
العفو أختي أذيه واجبنا و واجب كل من يتواجد فهالصرح الجميل،،وأنتي صاحبة شعر جميل فلازم نعاتبج عشان تكتمل صورة الجمال،،وأحييك ع تقبل الملاحظه.
|
الغصن قلبي والهوى تــربة النبــت
والثمر صبـري , والعطــاء والمشــاريه الشيخه :: هكذا هو الشعر وإلا فلا أبدااااااااااااااااع تستاهل التثبيت موفقه |
" شيخة الشعر " الرائعة شيختنا .. شهادتي بك مجروحه ولكنك تعلمين يقيناً .. رأي أخيك في ما تكتبين .. دمت راقية / رائعة .. كما عهدتك دوما أخوكم |
| الساعة الآن 10:53 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir