|
حن ما نتاجر بالتمور الحايلة
محاورة هاتفية بين عامربن هاشل الناعبي وحمود بن علي الروحي عامر الناعبي: سميت بالله واتعوّذ من الخنـّاس من عادتي ابدي المثل بالبسمله واثني بصلاتي ع النبي شفيع الناس على جميع الأمة ربي ارسله حمودالرواحي: مثلك نصلي على النبي أصيل الساس تعداد ما سحب المزاين هاطلة واللي تعوذ من جور الغوي الوسواس بيعيش في خير وسعادة حاصلة عامر الناعبي: نخلف مثلنا نبغى نطرب الرماس نفتح خزاين من زمان مقفله اهل التجارة قاموا يعلنوا الإفلاس وصبحت تجارتهم قديمة ومهمله حمود الرواحي: سير وتوكّل عندك للحكي نوماس وانا لزيمك في الدروب الواصلة اما التجارة فيها من ذهب ونحاس وانته تخيّر والذهب تستاهله عامر الناعبي: شي م البضايع زينه وشي منها خياس وراعي الخياس في سوقنا مانقبله اترك سبيله لي يتاجر بالفساس حن مانتاجر بالتمور الحايله حمود الرواحي: زينه البضاعة تمشي ما فيها ارتكاس والخايسة تترك مسير القابلة وسوق الأوادم فيها انواع اللباس واللي قصر ثوبه لزوم نبدّله عامر الناعبي: شي م البحور عميقه ف الوسط حيّاس طوفان هايج والعواصف قاتله يبغالها ربان ضاري ع المراس وراعي العزيمة عزيمته ماتخذله حمود الرواحي: يلي تصدى للبحر عنده قياس ما يخاف من موج البحار الهايلة واللي يخاف وما يوجد معه كرياس يمشي على سيف المحيط وساحله عامر الناعبي: دنيا دنية فيها م البشر اجناس فوق البسيطة امورهم متنهجله صافي النوايا قلبه ماحمل وسواس وراعي الجمايل ماتضيع جمايله حمود الرواحي: من زمن اول تحتاج الدنا مقباس حتى نشاهد به الدهر وشمايله سعد ومسرة فيها ومرة على اليباس ما تستوي الأحوال فيها كاملة عامر الناعبي: الشاهدالله صوغكم ذهب والماس عجبني مثالك يفتهم من اوّله ومن حسن نظمه حرّك عندي الاحساس مغنى ومعنى مسمعي يرتاح له حمود الرواحي: فوز وغناية لقينا وفي السفر لا باس في ربعة القائد زعيم القافلة ومن خزنة الجواهر اثمانن على اسداس ومن جود مولانا الخزاين فاضلة عامرالناعبي: يوم النجوم سعيدة يبعد الهوجاس ومابيننا حبال التواصل طايله واختم مثالي داير والوقت غتلاس عسى مثلنا واضحات دلايله . " تمت المحاورة " |
اخي العزيز والشاعر القدير عامر الناعبي محاوره طيبه ورائعه تسلموا شعرائنا ما عليكم زود ودمت بكل خير وموده اخي الكريم |
محاورة مثيرة للإعجاب، تحمل بين طياتها، الشيء الكثير من الحكمة والمثل، لكما كل الشكر والتقدير، شاعرينا الكريمين، عامر الناعبي، وحمود الرواحي، وعسى مودتكم صافية.
|
محاورة طيبة
صحت الألسن ودمتم بخير |
السلام عليكم الشاعر المجيد عامر الناعبي بركات رمضان تغمرنا وتغمركم بحول الله وقوّته وتغمر أمة محمد صلّى الله عليه وسلّم برمتها إن شاء الله مشكور أخي القدير والمبدع على هذا الإثـراء الجميل والتحاور البديع الرائع المرصّع ببليغ وبديع المقال وجميل النظم وأصيل النهج التحاوري القائم على ركائز فنّية عريقة متوارثة وأصيلة والشكر موصول إلى محاوركم الفذّ وتقبّلا تحيّاتي |
صح لسانكم واعتلا شانكم شعراءنا الأفاضل
وكل التقدير على النقل الجميل لهذا الإبداع دمتم بخير |
اقتباس:
اخي العزيز والشاعر القدير عبدالله الراسبي شكراً جزيلاً لك على مرورك الجميل الذي اسعدني وشكراً جزيلاً لك على إعجابك بما جاء في هذه المحاورة لك مني كل معاني الود والإحترام واجمل واطيب التحايا العطرة |
اترك سبيله لي يتاجر بالفساس
حن مانتاجر بالتمور الحايله صح لسااانك الناعبي وصح لسان الرواحي مبدعين الحرف |
| الساعة الآن 07:07 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir