دخيلك ترفق ( قصيدة في حب قابوس )
هيثم المسلمي

دخيلك ترفق باللي فجر حبك جدران روحه
وما طرف رمشه من يوم شافك لاحظ عيونه
دخيلك أي فنان أنت رسمت الوطن ف لوحة
مزجت من كل لون والرسم باهي خفات لونه
حبك يا لغز الزمن في خبايا النفس أطروحة
تعايا ف حلها كتاب الألغاز وتشرخت متونه
حبك زعايف السم اذا سرت بجروح مفتوحة
صابني بالجسد أنشل العقل وانقبض مصرونه
حبك طعاين العشق يدمي بالوصل جروحه
سيف ٍ بالحنايا يغرس طعون ٍ مسنونة ٍ سنونه
حبك شيد بالخافق قصور الهوى وصروحه
هامت بك النفس والنفس على طاريك مفتونة
يامن أطايب بسمته بلسم للقلب ودوا لجروحه
وشيفته قصايد السمار غازلتها أبيات موزونة
هذي مسقط تغنت بلحن ٍ ترقص معاها الدوحة
وابو ظبي يوم ٍ لفيتها تزينت بالكحل مزيونة
والمنامة تستقبلك بعبير ٍ ينافس الورد فوحه
والرياض من هيبتك أمست ف ليلها مجنونة
وتبغددت بغداد ضيفتك من ثمر العراق دوحة
صنعاء يا راعي الجيرة دومها بقربك ميمونة
واذا امتد شراعك بالسفين في جيته و الروحه
بحر الكويت تغنى, انتشى بالود موجه وسكونه
دخيلك وش سويت في القمر كذيه باين وضوحه
ويش سويت فيه؟ خليته في عمان تسهر جفونه
ونجوم السما من حلاته خبايها للعين مفضوحة
يبادلونك فارس الديرة النور والأشعاع وفنونه
أبيات شعري قلتها وأنا مقصر ومنك السموحة
وعذري شاعر ٍ فيك هيجته أحاسيسه وشجونه