العيد الوطني المجيد
هذه القصيدة أهداء الى المقام السامي لحضرة صاحب الجلالة السلطان قابوس بن سعيد المعظم حفظه الله ورعاه بمناسبة العيد الوطني المجيد سلام لك من قلب ينبض بالأشعار سلام لك ياسيد كل السلاطيــــــــن سلطاننا قابوس غنت لك الـــــــدار في عيدك الميمون عيـــد الأربعين فرحة كبيرة مامثلها ولاصــــــــــار أغلى من أيام الفرح طول السنين في عهدك اللي له من العز مقــدار وأحنا على عهدك ياقابوس وافيين من قاصي مـــــسندم إلى أخر ظفار بأرقابنــــــــــا وأرواحنا لك مطيعين نفداك ياقابوس يانســــــــــل الأبرار يامن بحبك نبض كـــــــل الشرايين ومن حقنا نفخر بــــك صغار وكبار رجل السلام اللي الشدايد له تليين وزينتها عـــــــمان الحبيبة بالأفكار كالجنة الخضراء بروض البساتين مخلص لها ياسيدي بعزم وأصرار الشاهد الله مــــن بدى عام سبعين الله يدومك حقها طول الأعمـــــار يالله يارب العــــــرش أميين أميين |
اقتباس:
هنا تتجلى الموهبه والابداع والتألق وتكمن الوطنيه في حب الوطن والسلطان تسلم يابوحميد وماعليك زود ويستاهل القايد |
ماعليك زود يالشاعر أبوحمد الوشاحي وتسلم على هذا المرور الجميل |
واحنا بعد أنقول أيمين أمين ماعليك زود يالوشاحي أشهد أن رايتك بيضا صح السانك ولاهنت هديه في محلها يستحق الوطن والقائد هذه الكلمات . |
في عهدك اللي له من العز مقــدار وأحنا على عهدك ياقابوس وافيين من قاصي مـــــسندم إلى أخر ظفار بأرقابنــــــــــا وأرواحنا لك مطيعين أبوحميد أحسنت بارك الله فيك قصيده وطنيه تحمل الولاء والعرفان لصاحب المسيره قابوس بن سعيد صح السانك شاعرنا . |
صح لسانك وعلا شانك اخي الوشاحي وطنية رائعة سلمتَ مملكة |
من قاصي مـــــسندم إلى أخر ظفار بأرقابنــــــــــا وأرواحنا لك مطيعين نفداك ياقابوس يانســــــــــل الأبرار يامن بحبك نبض كـــــــل الشرايين الوشاحي ماعليك زود قصيده وطنيه رائعه صح السانك وعلا شانك |
سالم الوشاحي قصيده رائعه
ويستاهل القائد وعماننا الحبيبه جدا راقت لي هذه الكلمات خلنا عاد أنشوف جديدك أخوي |
نص وطني سامي ...
سلمت يمناك حفظك الله يا عمان.. حفظك الله يا قابوس ودي غصون |
السلام عليكم ورحمة الله وبركاته..
أخي الغالي وشاعرنا الكريم سالم الوشاحي،بك اهلا سيدي، الجمال يرسم ملامح هذه الماطره خير ووفاء ووطنيه ساميه في حق الوطن وقائده المعظم اسعدني قرأة هذا النظم الفريد دامت الأفراح والأعياد في دار السلام والأمان عمان ودام هذا التواصل المثري بارك الله أوقاتك وأسعدك بأذنه، احترامي وتقديري |
الساعة الآن 06:59 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir