|
سوالفنــــــــــــــــــــــــــــــــــــــــــــا
مساء الخير ...صباح الورد ... موضوعي اليوم معطربعطر وجودكم .. حبيت اطرح موضوع سميته "سوالفنا " نسولف فيه عن مواقف صار لنا في حياتنا اليومية ... سواء كانت مضحكة ...محرجة ... مواقف تعلمنـــــــــــــــا منها ... مواقف علمتنا دروووس فالحياة .... موقف وانت مار شــد انتباهكــ... ربما موقف من مواقفكم قد يسعد شخص ما ... او كلمة قد تغير مسار حياة شخص ما ... كل واحد منا يسولف شو صار له من مواقف اليوم .... هنا ننتظركـــــــم وننتظر سواااالفكــــــــــــــــــــــــــــــــــم . |
اسيرة البدر ما شاء الله فكرة جميله أحيك عليها مــــــــــــــــــــــثــــــــــــــــــــــــــــــــــبــــــــــــــــــــــــــــــــت انا بقول موقف حصل معى بالدوام ,,,,،،، طبعا انا اشتغل بقسم الأطفاء وفي مرة المدير جاب زوار معاة وقال تفضلوا ياشباب ابي أحد يشرح للضيوف طريقة أستخدام خرطوم المياة الموجود بالمكاتب وكيف استعماله تبرع أحد الشباب والزوار عاد كلهم بنات وهو يشرح ويعطيهم خرطوم الماي عشان يتعرفوا علية وطبعا الخرطوم مليان ماى فقط لمسة وحده وينفجر وفي وحده من البنات جالسة تتعبث وبلمسة سريعه الماي ماصدق خبر ، سبح البنات ومسؤلنا وأحنا نموت من الضحك وهم يصيحوا ويصرخوااااا,,,,,,,,,,,,, أنشاء الله عجبتكم |
اقتباس:
ما أتصور يصير معي |
ما شالله عليك اختي اسيرة البدر
موضـــــــ يجنـن ــــــوع كنت مره رايح اخلص جمرك بضاعة من مركز الحدود وصلت هناك وما حبيت انتظر في الخارج كانت اول مرة اروح فيها المركز دخلت مكتب التخليص وسلمت وقاموا الجماعه وسلموا المهم قعدنا وسولفنا وواحد من الجماعه مركز علي وايد قام وجاب لي عصير وشكرته واحنا قاعدين نسولف سألني وين تشتغل سيدي على باله ضابط وجاي اراقب خبرته اني ما اداوم في الشرطة قال فكرتك ضابط وانا اضحك من داخلي قعدنا نص ساعة والجماعة مطنشيني ضحكت اكثر وقلت شوف حال الدنيا بالاول سوالف واحترام وعصير صحيح الدنيا مظاهر ولي عودة في موقف ثاني |
صباح الخير من مواقفي اللي صارت معي كنت سابقا عضوة في جمعية المرأة العمانية بالرستاق وكان معنا حفل بمناسبة يوم الأسرة الأدارة طلبت مني أقدم في الحفل خاطرة بهذي المناسبة وأنا كانت ذيك الخطوة بدايتي في طلوع المسرح فطبعا كنت خايفة ومتوترة المهم وصلنا ليوم الحفل وقررت أروح المكان قبل الموعد بنصف ساعة وبعدين جلست وسط الجمهور أسلم على هذي وأكلم الثانية أسولف معهم وكان الهدف أتأقلم مع الوضع وأخلي الخوف على جانب بدأ الحفل وأختفيت من وسط الجمهور وطلعت على المسرح وأنا وألقي خاطرتي حسيت بتفاعل الجمهور معي لأني جالسة وسطهم فكانوا مفكرين أني من الجمهور وبعد ما خلصت كان التسفيق لي جدا حار وبعد فترة كان عندنا حفل نهاية العام الدراسي وأنا ما شاركت في الحفل لكن كنت من المنضمين وأثناء الحفل وحدة من الجمهور قامت تسألني ما أتقدمي اليوم في الحفل فخبرتها لا وقالت حرام مشتاقين نسمع خواطرك هذي الكلمة زادت من ثقتي في نفسي ولما رجعت البيت عطول جلست أكتب موقفي فيه حكمة أتمنى الكل يستفيد منها |
اسعدني تواجدكــــــــــــــــــــــــــم .... أظن كل الموضوع بيصير سوالف ضحك ههههههه.... مرة كنا رايحين السيب مووووول وصلنا وشفنا حرمة كبيرة فالعمر ومعها بناتها وهم يريدوا يروحوا الدور 2 ...المهم هذي الحرمة تبا تطلع وكل ما تحط رجلها فالدرجة وتشوف الدرجة تتحرك ترجعها ..ونحن نبا نطلع جلت لها خالتي تبي اطلعي جالت ابا اطلع بنتي بس اخاف هالدرجة تقص لي ريووولي ...هههههههههههههه انا مسكت عمري م الضحك عيل هالعالم كله ما صار له شئ انتي غير عاد الله يهديك .... |
على طاري الدرج المتحرك :) كنت فيه مره رايحة العمرة وكنا خلاص في المدينه ودورات المياة في المسجد فيها درج متحرك وطبعا المكان مليان ناس فأحنا كنا نازلين وأسمع صريخ حريم من جنسيات مختلفة ما راح أذكرهم تحديدا فسألتهم خير ليش تصرخوا شو صاير فقالت وحده منهم أخاف أطلع في الدرج عاد انا فكرت صاير شيء على ذاك الصراخ وخبرتها توكلي على ربك وطلعي ما أيستويلك شيء وهي لا جالسة تصارخ مكانها عالم غريب كيف يخافوا من درج متحرك :confused: |
مره كنا رايحين عزا ووحده من خواتي عاد اول مره تروح العزا سلمنا على الحريم وعازينا اهل الميت اختي عاد هنا فشلتنا بدل لا تقولهم احسن الله عزاكم :( قالت كل عام وانتوا بخير:eek: على بالها العيد مشكوره على الموضوع الحلو لي عوده |
شكرا لك أستاذتي لهذه المساحة
مرة كنت كاتب قصيدة عن الأم ولصدقها دخلت فتاة علي قائلة كنت أكرهك ولا تسألني السبب ، ولكن عندما قرأت قصيدتك هذه دخلت معتذرة، فقلت لها لا بد أن هذا يتعلق بالأم ، فردت رحم الله أمي ، ثم قلت لها ما أجمل موقف لك معها ، قالت في المستشفى أساؤونا بخبر إصابتي بمرض خطير فأغشي على أمي ، فلما أفاقت قالت : أعيدوا الفحص ، فأعادوا فطلع أنها ليس فيها شي وأن التحليل الأول خاطي .. ففي شهر مارس ألف مرسي ماما |
اقتباس:
|
| الساعة الآن 12:14 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir