|
محاورة في الجبل الأخضر
مساجلة شعرية في نيابة الجبل الأخضر بتاريخ 31/7/2015 م بين الشاعرين مبارك بن مسلم الصلتي وخميس بن جمعه المويتي وكانت بمناسبة عزيمة عرس عند أحد الأخوة الأفاضل هناك ...
مبارك : بنثر ســـــــلام ٍ عــــد أوراق الشجر = كيذا ومغربي والـــــورد والياسمين تبارك الله شوفوا ع الجبـــل الخضر = اسم ٍ على مسمى من ماضي السنين خميس : حيّا بســـــلام ٍ عــــــــد أمواج البحر = من شـــــاعر ٍ حيّـا البلد والحاضرين جبل الخضر يبقى خضر طول الدهر = بعناية الرحمــــــن خلاق المعــــــين مبارك : جــــينا نلبي دعـــــوته راعي الفخر = شــــهمٍ تسلسل من كـرام الخـيرين ياغـــيث ياوابل يـ هتـّــان المــــــطر = اســقي الديار المبعده ســاعه وحين خميس : راعي الــــدعيه عندنا حاله قــــــدر = لنـّــه يقـــــدّر كل نــــــاس ٍ طــــيبين رعد ٍ هـــدر جاد بمطر برقه ســـــفر = يارب ياحـــافـــظ تغـــــيث الممـحلين مبارك : تاريخ يشهد كتبـــته فضــــه وتبــــر = وسط الحجر بيــــدين ناس ٍ ماهــرين عجبه المطر من كم شهر مايله اثـر = لــــو ينتثر فيها الأرض ماشي يبـــن خميس : غيث المطر من بين ماينزل يــــــسر = ويزيد جــــــوده عند ناس ٍ شاكرين مروج ٍ خضرشرق وغرب مد النظر = ولولا المــطر عدنا ياصاحب هالكين مبارك ك رحمة ولينا شــــامله تعـــــــم البشر = واسعد حظه لي رفـــع كــــف اليدين ياصاحبي من ذا الشعر تســـبك درر = بدعى الفكر شور ونظر عندك يمـين خميس : ودنا نسافر كان بتشـــــد الســــــفر = جـــــوله ســــــياحيه بصحبة عارفين حسن المناظر سالبه راعي الفـــــكر= والسلــــــطنه جــــنه ودار الآمنــــين مبارك : جهز عـبر جــو وبحر في كل بـــــر = والناس لي جنة صــلاله مســــافرين والسلطنة متمـــدنه في ذا العــــصر = ومن جود قابوس المعـــظم منعمـــين خميس : بخـــلف للمثل تعبــيره = وبازيده الحرف تسطيره شــاعر واحب القـريه = عـــــند نــــــاس ٍ عارفين باوادع صحاب الديره = كلكم شـــــــــيخ وعشيره يوداتكم دايـــم وفيـــّـه = وكونوا عــنـّا راضــــيين تمت المساجلة ،،،،،، |
الأستاذ الفاضل والمبدع الراقئ ابومسلم الصلتي السلام عليكم ورحمة الله وبركاته هالله هالله ياأستاذي ماشاء الله محاورة جميله عذوبة ومفردة وحس شعري عميق في المساجله حقيقة محاورة عانقة سماء الإبداع بروعتها ...صح السانك والسانك الشاعر خميس المويتي أبوخالد ...وسلم الفكر والقلب ..دمت باناقة الحضور أيها النبيل تحياتي وجل تقديري |
اقتباس:
أخي العزيز أبو سامي وعليكم السلام والتحية والاحترام والاكرام شكرا على متابعتك الكريمة وصح بدنك دمت بود وخير |
ماشاءالله محاوره جميل
بين العمالقه محزون شعري كبير وكلمات عذبه دمتوا بود |
اقتباس:
دمت بخير |
الفاضل أبو مسلم الصلتي مساجلة رائعة ويسلموا الشعراء وتسلم حروفهم الجبل الأخضر خير وبركة لكل الأهل يكفيه شر الحاسدين الجبل الأخضرمطر وخضره ونسيم الجو خير لكل العمانيين تسلم أخي وربي يحفظك |
ستبقى عمان وجبالها وسهولها خضراء بمشيئة الرحمن تماما كتلك القلوب البيضاء لأهل الغبيراء صح لسانك أنت وشاعرنا الغالي خميس المويتي |
اخي العزيز والشاعر القدير ابو مسلم الصلتي محاوره في غاية الابداع بينك وبين الشاعر القدير خميس المويتي صح لسانكم وما عليكم زود ودمت بكل خير وموده اخي الكريم |
اقتباس:
شكرا على متابعتك الطيبه وصح بدنك دمت بخير |
اقتباس:
أخي العزيز خليل عفيفي متابعتك تشريف والله يحفظك دمت بود |
| الساعة الآن 07:18 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir