|
خلاص عدّوني بـ صف المجانين ..!!
مساء الخير .. احيانا ياخذنا الخيال بعيدا هناااك .. فنتخيل قصصا بتفاصيلها ودقتها .. الجميل في هذا ان هذه لقصص تزرع فينا شعورا لايمكن وصف روعته ^_^ يمه كبرنا ، عادنا بسن عشرين .. والله عرفنا ان {العشق صار نقمه} كذبة تورث في النهايات قلبين .. قلب ٍ كسير وقلب يزداد جرمه وانتي تقولي لي لهالحين:"تكفين .. خلك حريصه ولاتكونين لقمه للجايع اللي يوهمك بالعشق لين .. يرمي خفوقك وحده بْوسط ظَلمه بنتك تعلّى شانها ،لاتحاتين .. جروحها صارت لها اليوم نعمه اصلا ميكفي قلبها تعشق اثنين.. واحد وسوى بالاحاسيس زحمه ذاك الذي لو يبتعد عن مدى العين .. آحس قلبي مايرى غير رسمه كبرت احبه وارسمه حرف فـ الطين .. وآحط يمه قلب ٍ يشير سهمه وادعى عسى نُكتب بهالعمر زوجين .. عسى تكون محبتي فـ يوم حلمه كان الوحيد اللي اذا قال [ اهلين ] .. آهيم بعيونه من اسباب كلمه النور كان بنظرتي انه يبين .. والكون في بعده بلا شك عتمه يا اماه وينه ودي آشوفه الحين .. ليته يعيّشني بهالحزن دعمه ولاّ ينسيني اماني المحبين .. اللي اسكنت في خاطري دون علمه سافر بعيد وغيبته عدّت سنين .. لكن احس انه معي دوم يُـمه لامن بكيت اتخيله يقول :[تنسين ] .. ويمسح دمع عيني بـ أطراف كمّه [ماقلت لك بسك ولا عاد تبكين .. بعدك صغيره،مالهدمع لزمه] من دون ما أشعر اتمتم له ـ انزين ـ .. واقوم في لحظه لـ طيفه واضمه صارت معي عاده ، اذا حزني يحين .. ابكي عشان اظفر بشوفه وألمّـــه شوفي دموعي لاعرفت ان اهو زين .. وكيف انّي افرح لاشفت منه بسمه اتذكر ابسط ما حصل قبل عامين .. كل الحكي ، دقّاتي ان جيت يَمّــه والله عجزت انساه واحنا بعيدين .. وشوقي معاد اقدر بهالقلب كتمه كأنني ملزم ارجع له الدين .. كأن قلبي يعلن اليوم هزمه خلاص عدّونــي بـ صف المجانين .. اللي كسرهم هالعشق دون رحمه يُمه دخيلك، لا اخطبوني تصدين .. لاني معرف آعيش من غير اسمه وان هم يحبوني ترا الخوف بعدين .. اكون وافي له وبالقلب همّــه بعدك تقوليلي حريصه وتكفين .. يمه هيامي له لهالقلب قسمه احساس طفله |
احساس طفلة نص جدااااااااااااا جميل سوف اثبته لجماله لها ولي عودة |
اصلا ميكفي قلبها تعشق اثنين..
واحد وسوى بالاحاسيس زحمه يا سلام على هذا الطرح قصيدة عاطفية على أعلى مستوى مفعمة بالأحاسيس ترابط المعاني رائع تراكيب مثيرة القصيدة من حيث تصنيفها الغزلي ( التوجّد ) أعتبرها رائعة جدا وصوت الأنثى فيها قمّة الروعة الصياغة وطريقة التخاطب مع الأطراف المتعددة ( الأنا , الأم , الحبيب , القارئ ) روعة شكرا على هذا النص الباذخ |
لا أملك سوى أن أهنيكي على هذا النص الجميل وأهني الشعر بك
دمتي بود |
احساس طفلة هنا انا ايضاً اسجل اعجابي بهذا النص الراقي والجميل يستحق التثبيت وعساج عالقوة سعيد |
الاعجاب كلمة قليلة في حق هذا التدفق الرائع
ابداع ابداع ابداع تقبلي مروري المتواضع |
هيثم العيسائي ، حمود المهزاع النعيمي ، نوره البادي ، سعيد الفطيسي ، رذاذ ...
الف شكر لكم على المرور من هنا اخوتي .. اراء افخر بها فعلا ,, وشكرا على التثبيت ^_^ |
قصيدة حقا رائعة جدا...
سأطيل المكوث هنا.. سلمت يداكِ عزيزتي احساس طفلة مدتي |
يقال ان العشق جنون وهذا انت تثبتينه
نص رائع يااحساس طفلة |
أحساس طفله / قصيده جميله
وبها صور شعريه غايه ف الروعه صح السانك وتستحق التثبيت هذي القصيده تقبل مروري ((أبوسامي)) |
| الساعة الآن 01:24 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir