|
حكــــم الهـــــــوى
ياونّـة اللي بات قلبه خفوقــــــــــــي ونّة غريمٍ صار حظّـــه شحوحـــــي وياحرّةٍ فاليـــــوف شبّت حروقـــــي من حّرها بركــان شوقي يفوحـــــي خبّت ع مضمار الهواجيس نوقــــي وظلت بميدان الضمــاير سروحـــي وظاقت دروبــي بين كل الطروقــــي ولا لي من المسعاف يبري جروحي آنا المتيّــــم زاد فالحــــب شوقـــــي وبـــي علّةٍ ماضنّها بالصحوحـــــــي ياصاحبـــي بالرّوف خذني شفوقـــي شربكْتني يازيـــــن وآخر تشوحــــي شطّيت بـــي ياخشف ريم الطلوقــــي يامــــن رعا مابين ريم السروحــــي حبّك سرا مابين مجرى العروقـــــــي وداخل عروش القلب شيّد صروحـــي وعندي مقامــك غير بين الخلوقـــــي فــــدواك نفسي وكل حالي وروحــــي يامــــن سرقت القلب مني سروقـــــي ردّه عســى ينزاح خافي جموحـــــــي أرميتنــــــــي وآنا المحب الصدوقـــــي وخلّيت دمع العيــــن يهمل نضوحـــــي وبحرك طماني بين موي الغروقـــــــي ومركب غـــرام الشوق آزم يشوحــــي وين الوعـــــــد لي كان منّك وثوقــــــي وعهدك يلـــي به كنت أبني طموحــــــي أكتــــــــم ولكن كم بصْبـــــر لعوقـــــــي لابـــــــد م المكتــــــوم سره يبوحـــــــي عــــزّاه من جرحٍ سطا بــ امْعلوقـــــــي منّه شكيت الهم والعـــــــي وانوحــــــي حكـــــم الهوى ظلّام مابه حقوقـــــــــــي ولاينصف العشّــــــاق عند الجنوحــــــي تمّت وسقــــت العذْر سوق السبوقـــــــي واختم مقال الشعْر وابغي السموحــــــي |
ياسلام شاعرنا ماعليك زود كلمات جميله شو رأيك تنزل شله صوتيه بالمنتدى |
السلام عليكم ورحمة الله وبركاته ابو حمد الوشاحي .. نص جميل اخوي .. بارك الله فيك .. |
عــــزّاه من جرحٍ سطا بــ امْعلوقـــــــي منّه شكيت الهم والعـــــــي وانوحــــــي حكـــــم الهوى ظلّام مابه حقوقـــــــــــي ولاينصف العشّــــــاق عند الجنوحــــــي أبوحمد ..!! شاعر يتغنى بمشاعر الشوق .. ولواعب الغرام شاعر ..تفنن في صياغة الكلمه ..! فعبّر بها في ونات وآهات ...ليرسم لنا جمالٍ من مشاعر الوجدان ..!! لك الله ياشاعرنا " " " |
يامــــن سرقت القلب مني سروقـــــي
ردّه عســى ينزاح خافي جموحـــــــي أرميتنــــــــي وآنا المحب الصدوقـــــي وخلّيت دمع العيــــن يهمل نضوحـــــي الله الله الله القصيدة جميلة.. فيه الحب صاخب.. الله يعطيك العافية يا شاعرنا العزيز أبو حمد الوشاحي تقبل مروري هنا.. و دمت بخير |
يا سلام عليك والله أخي الكريم
نص جميل مثل جمال روحك أعجبني : يامــــن سرقت القلب مني سروقـــــي ردّه عســى ينزاح خافي جموحـــــــي لك ودي هيثم |
ابو حمد صح لسانك يا شاعرنا الجميل يروق لي كثرا مثل هذه النصوص حيث توظيف المفردة التراثية والمأخوذة من البيئة المحلية جميل جدا هذا النص العاطفي الراقي دمت بألق وتوهج شعري ،، سعيد الفطيسي |
صح لسانك بوحمد
|
وعندي مقامــك غير بين الخلوقـــــي
فــــدواك نفسي وكل حالي وروحــــي يامــــن سرقت القلب مني سروقـــــي ردّه عســى ينزاح خافي جموحـــــــي ما قصرت اخوي ابو حمد ... وما عليك زود... صح لسانك... |
اقتباس:
وبالنسبه للشله حاضرين وفالك طيب باللي نقدر عليه |
| الساعة الآن 01:53 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir