|
حطــــــــــابة
بعد الغياب اتمنى ان تنال على اعجابكم ((((((()))))))) من فوق ظهر الغانمه بالصيت والوزن الثقيل العاديه ياللي صدرها عزها و قياســــــــــــها جريت جيش المعتصم والقاف والسيف الصقيل في حرب شبتها البسوس وقاتلي جساســـــها اسوق منــــــها النادرات التبر والحر الاصيل جمالة ماهي غبينه جمل الله ساســـــــــــــها حروفها ماهي الحصا والا عرقها الزنجبيل مسبوكة من كف صافحها الزمان وباسها قصيدة ن ما لامني فيها الفرزدق والخليل مرباعها العرش الاميري وجنها حراسها ناطحت فيها المستحيل وجيت باب المستحيل لعيون من تحطب ضلوعي والكرم من فاسها اللي روايبها من الحنا صبــــــح عندي دليل في مصطلح ما كل خمسه تنضرب بأخماسها تحطب وانا شب الهوى والشوق والحب النبيل حتى امتلى ذاك المكان بأهلها وجلاســـــــها حطابة لابـــــــو حطب قلبي وسلطان العليل طلولـــــــــة اللي ما يحبني وقهوتي ومحماسها حاولت اعذربها وأزيد الملح حتى لا تميل لكن يغيب الملح واحساسي يحب احساسها وحاولت اصب عيوني الثنتين وافقدها قليل لكن ذكرت انها عيوني وقفلها وترباسها ما تقبل القسمه على اثنين او ترضى البديل بنت الرشا يااللي يسيل المسك من كرداسها راعية واجب تقلط الضيفان مزبان الدخيل حتى البدر وهو البدر يقربلها ومن ناسها والمشكله لا جيت ابهديها المقدر والحصيل ها الآدميه بعنقها لازودي وداماسها لكن عليها الرب يا قلبي ويا صبرن جميل فاللي مفندها البزا وجنونها ووسواسها تدرون لا طال المسا والليل عزم عالرحيل كالشمس تقبل والصبح يا صبح الله انفاسها ولا ضاقت احيانا ومن هذا التغير و القبيل اشوفها مثل السما واشوفني فرناسها اموت ما اعرف اطير وكل شي يبقى عطيل ما يشتغل الا بضحكتها و ريحة ياسها حتى حساب الدايره او طول عرض المستطيل ما ينعرف واصبوعها ع ضلوعها ومنقاسها حبيتها واللي خلق هالسبع وعذوق النخيل لكن وش اللي جاب عند اللي تعقص راسها حبيتها وادركت بأن الحب شبه المستحيل وانا طرقت المستحيل وانقتلت بفاسها طلال الشامسي |
طلال وين هذي الغيبه عزيزي ؟!! نص قوي شعريا أعجبني الحضور الشخصي في النص وأعجبني الحماس الذي يتوقد من بيت إلى بيت في هذا الجمال لقلبك حدائق الورد ولنا جمال حروفك هيثم |
حبيتها واللي خلق هالسبع وعذوق النخيل
لكن وش اللي جاب عند اللي تعقص راسها طلال يسلم منطوقك لديك حس وهمس ومشاعر ذات معاني تقبل مروري اخي |
شاعرنا الجميل طلال الشامسي السلام عليكم ورحمة الله وبركاته أهلاً بعودتك للمنتدى بعد طول غياب وكم هو جميل هذا الحضور المتألق المبهر بكلماته الشجية الحماسية والتي تفوح منها قهوة البدوي وهو يحمسها على النار حقيقةٍ أعجبني سردك وتصويرك وقوّة طرحك صح السانك ولاهان منطوقك ... واصل العزف أيها البدوي الأصيل ودعنا نرى جديدك ينير صفحة المنتدى |
ناطحت فيها المستحيل وجيت باب المستحيل
لعيون من تحطب ضلوعي والكرم من فاسها الشامسي تصوير لا يتقنه إلا الشاعر المتكن وحضور متقن بين الأبيات أبدعت دمت بود |
اقتباس:
واعجبني ايضا حضورك يا استاذ هيثم مرور اكثر من راقي ووشهادة اعتز فيها وعلى راسي يا الشيخ الله يحفظك |
اقتباس:
شكرا سيدتي الفاضلة على مرورك الراقي اسعدني تواجدك وتصفحك لقصيدتي المتواضعة بوركتي |
أكتب ما شئت
فأنا سأترك كل المساحات فالصمت في حرم الجمال جمال تحياتي وتقديري |
طلال انت شاعر وشاعر ترفع له العمايم والعقل والقبعات..
نص فلسفي عميق ومهذب فكريا ويحتوى علك انماط لغوية جميلة جدا وبها الكثير التترات الحسية التي تجعل من نصك شاهق كشموخ صاحبه.. فقط لدي ملاحظة حول .. راعية واجب تقلط الضيفان مزبان الدخيل.. وتناولي لهذا الشطر فقط لوجود بعض التغيرات حول السلم المسيقي لهذا الشطر واختلاف ف التريكبة الوزنية له.. فقط ارجو الايضاح منك اخي الكريم..دمت متألقا. |
طلال تواصلك دليل على جمال قلبك وعقلك ونحن نفتخر بوجود امثالك....................... وحاولت اصب عيوني الثنتين وافقدها قليل لكن ذكرت انها عيوني وقفلها وترباسها ما تقبل القسمه على اثنين او ترضى البديل بنت الرشا يااللي يسيل المسك من كرداسها نص راقي جدا...................... وحركي وبه كل الجماليات |
| الساعة الآن 10:04 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir