|
محاوره من فن الرزحه في اليحمدي بولاية إبرا
محاورة من شعر فن الرزحه بيني والشاعرين القديرين خميس بن مبروك المعمري وخلفان بن مبارك المغيري في اليحمدي بولاية إبرا ، قبل عشر سنوات تقريبا
أرجو أن تنال هذه المحاورة إعجاب المتذوقين لمثل هذا النوع من الشعر أحمد سميت بــــــك يا خالقي منشي الملل + عقب الملل زان الطــرب برزايفه واثني بتحيــــه وسلام ٍ يغشي الطلل + فوق الطلـــــــــل لو ٍ ألوف مألفه خميس صلو على من يوصينا بخيـــر العمل + نبي وربـــــه بالرسالــــــــه كلفه يوم جيتكم من الكامـل عاني ومنتقل + من واجــب العاقل صديقه يشرفه أحمد أشهد شهاده إنـــــــــــك نقيته المثل + قولك عجب فوادي صاحب معرفه ويالمطربيه هالليله السعــــــد اكتمل + من جود ناس ٍ في هوانا - عارفه خميس يااليحمـــــدي زمطي وطيبي بالحفل + رزحه مثاليه وكرامــــــــه موالفه غير الزراعه تذبل في وقت المحــل + أحسن يا ربعي هالطـــرب بانخلفه أحمد يا صاحبي بوصولـــك زهيت المحل + واليحمـــدي سهل وجبـل متشرفه ويا ودنا نمشي فبساتيــــــــن النخل + لكن يعاكسنـــــــا الزمن بصرايفه خميس يا حمد بقالي من ربعي الثلـث وأقل + حد منهم أعرفــــه وحد ما أعرفـه أبكي بعبره لكــــــــن يمحني الخجل + ما قدر أناقض في الحكم واستأنفه أحمد أحسن تبـــــــارك بالباقي ولا تنفعل + لانه الطرب راحت سنيـن وصايفه ويا شايبي حنّــــــت خلايق من قبل + ما فاد الصايــح والدمــوع الذارفه من هنا تنازل خميس واستبدله خلفان خلفان أول أبّدي الواجــــــــــب وتالي النفل + جينا على حسن الشرف ومعارفه سيف الشدايد طاح من يّـــدي ونسّل + ما قدر أجيبـــــــه لي تعلى فغرفه أحمد يا مرحبا يللي لفـــــــا وجانـــــا بــدل + كلكم مثايلكم حسينـــــــه وطّرفه خلفان قولك موزون بفكـــــــر وعقل + كلام ٍ طيـــــــب ما معاني محرفه خلفان فتحتوا دواوين ٍ قديمـــــــــه ولا تمل + وتباشرونا بالعلـــــــــــوم النايفه الليله حييتوا الديره من عقب الكسل + وانا ربيعـــــك كل طريق ٍ تخطفه أحمد دايـــر أسافربــــك في سيـــح ٍ سهل + ندخل الى بر الحجــــــاز ونكشفه راعي الفراسه يقحم بسيوف ونصل + شهم وطريق السبسبه ما تخوفه خلفان تحيدني مـــن أول حمـــــــــال الثقل + ربيعك لن هبــــــت رياح العاصفه خاضع رقبتي لن قالــوا أحمد وصل + وبر الحجاز قريّــــــــب ما نتكلفه أحمد برق ٍ سنا عالديره والمرعـــد زجل + والعــــــــق نازل بالسيول الجارفه وبن برخيا تكلم بالقـــــــــول وعْدل + جابـه القصر لمح البصر بشرايفه خلفان منّكم نبغــــــــــا السماحه + يومنا غايـــــــة مراحه قلبنــــــــــا راضي عليكم + يا صقـــــور الحاضرين ما تـــــم الوصف ونياحه + عندنا قليلــــه المساحه أمرنا كلـــــــــــــه فيديكم + من قداكــــــــم شاكرين أحمد صاحبك صبحـه ورواحه + منّــــك مهجته مرتاحه أســــأل خالقـــي يعطيكم + من نعمتـــــــه كل حين ولي قمتو الزي وبراحه + تو عــاد الشومه مباحه رخصه من القايد تجيكم + بسماحه ولطافه وضين |
الله الله الله اخي العزيز ابو هلال السوطي محاوره جميله جدا ورائعه في فن الرزحه وفي غاية الجمال والابداع تسلموا شعرائنا مبدعين وما عليكم زود وتقبل تحياتي |
اقتباس:
على هذه المحاورة الجميلة وماعليكم زود لكن ارجوا تعديل الكلمة التي اشرت لها باللون الأحمر لتكتمل الفائدة تقبل مروري وتحياتي العطرة اخي الكريم |
اقتباس:
شكرا أخي عامر على مرورك الكريم أما بالنسبة للكلمة التي أشرت عليها بالأحمر فهي هكذا تكتب وينطقها المتفنن في الشعر الشعبي التقليدي بطريقه صحيحه مثل ما هي مكتوبة بس تحتاج إلى تشديد فوق الحرفين{الطا والرا} فالكلمة صحيحة ولا يلزم تعديلها لك التحيه |
الشاعر الأخ أبو هلال السوطي أبدعت وصح الله لسانك أنت والشعراء |
محاورة جميلة
وكلمات رائعة وفقكم ربي |
ماشاء الله خرجت جوهره من ضمام المندوس
محاورة ممتازة دمت بخير أخي الكريم |
ما شاااء الله ابداع ولا بعده ابدااع لا تحرمنا يا ابو هلال مثل هالجوااهر
|
اقتباس:
أخي العزيز عبدالله الراسبي ما عليك زود مرورك هو الأجمل لك الود |
اقتباس:
إستاذي الفاضل وأخي العزيز خليل عفيفي الجمال في مرورك الطيب من هنا ونحن نفتخر بوجود من أمثالك بيننا تقبل تحياتي |
| الساعة الآن 10:31 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir