|
سلمى ذاكرة البخت الذي يراودني عني نفسي وحديقة الياسمين التي خاصمت المطر والطهر الابدي المعلق على حيطان الغرفة التي تزاحمني بها سلمى هي الوطن الممتد الى الحنايا وبوصلة التوهان أن صح التعبير سلمى ليست كالنساء ولكنها من النساء سلمى حزينة اليوم والغد ياللي تركتوا للسهر سلمى طاحت عيون وللسهر مقدار هذي عيوني معبر الظلمى وأنتو طعنتوا حافر القفار من سافل الطعنه الى الاسمى كنتو العطش والسور والانهار محرابكم صليت به اعمى واستوحش الذنب الوحيد البار يالراحلين وتاركين الما بعيون عاشق والحزن جبار ردوا عيونه قبل لا يدمى باقي حنينه والسنين النار جيتوا وناولتو يدي العسما جرم السنين ولا خذيتو الثار يالراحلين وثاركم مهما جفت عروقه ما يموت العار كنت الحزين بليلة بكمى قامت تموت بخارج الاقدار هذي عيوني واتركوا سلمى ما عاد بعيون السهر مقدار شكراً لسلمى |
هذا انا عشرين عام ولا عيد
نفس الاماني انتظر في الاماني هذا انا متشابك الايد بالايد اجمع جروحي واستغيث بزماني عشرين عام وكنها لعبة العيد يعني بلاش نعيش هذي الاماني |
الى الحاجه
مراويح الثياب الفقر بلا ميعاد يا وجهي تبوس الارض وش الحاجه اذا طهر السماء ما بلل ثيابي اجي واتسول اصحابي بلا ميعاد يا وجهي تطيح وقامت الحاجه |
يتحرك الساكن ويحتد قيدي
من يتركك للقيد ما ظل حارس محتاجني للخوف ما فوق ايدي مثل الذي لمعاند الخوف جالس صحرا ولا طالت لميلاد عيدي وحدي ولكني بالاحزان تارس العيد هذا ما سكن في وريدي العيد هذا مثلما الحظ عابس يتحرك الساكن وينقص قيدي وامشي بدون القيد والموت حارس |
مرت تلم الاثم من طهر الكلام
عدا عليها العمر كفارة ذنوب ما غيرت في وجهة العيش الحرام بس علمتني وين ياخذني الهروب من صارت المنه على كف السلام صرنا نبيع الشعر لولاد الدروب يا عشقها المسكون في مخ العظام لو ساعدتني كيف انساها واتوب نسيت البقية.. |
الرفيق القريب جداً من جاذبية الارض والى نفسي
كريمي علي الانصاري لا مقدمات لهذا الرجل الذي ينتسب للجمال فقط علي يا وجه السما الابيض يالغارق بحلم السنين ياللي دريت انك حزييييييييييييييييييييين وجيت لك احزن ياللي تعلمت منك كيف اشوف الاخرين وأنت ادرى بهم علي ترى العالم كئيب والحدود اللي تساوت بسيرة الاصحاب صارت سراب وصارت الارض كومة حطب وحزنك الحطاب وفأسك عيونك وأنت وجه السما الابيض وبياض الموج ومدينة العشق الكريمة اكون البحر اكون الشجر الا السما ما في السما غيمه عذراً كريمي لان الحديث عنك لا ينتهي حتماً نحن فقط من شرب القهوة تحت الماء |
يا غرفة المظلوم
وغناية الجدران موت يالسكوت.. اللي تشبع من شفاهي ليه يالمحزون لاهي وغناية الجدران موت |
دام موتي ما قنع هذي البلاد
علموها ليه ما تقنع بموتي وانا تايه بين سيجار ورماد ملني صبري وضيعني سكوتي |
نبي نضحك ولكن العتم في دربنا واقف وساكن ونستخلص فراوة فقر متمسكن نبي نخلع قديم القطن كفانا لونها الداكن نبي نضحك ولكن.. ما يوسدك العتم الا لحاجة وأنت تتحرى المتاع بين ترتيب الوجوه وبين فوضى أنفعالك ترقص بصدر الضياع يالعتيم اللي على عنق الزجاجة من أذنك الارتفاع من طلبك الموت لابد ويموت وأنت جيت ولا تموت وأنت قبح وأنت ذل وأنت لعنة وأنت اسوا من تخيل ان هذا الفقر معناه السكوت يالعتيم اللي تشبع من عرانا ما جنيت الا الوجع والستر واجب أنت مفتاح المصايب والجحود اللي تغطأبك سواد صار لك هالحزن شايب وصارت الدنيا رماد يا كثر هذا الرماد اللي تعفن بين أطراف الاصابع تحترق كل الاصابع يالزمان تحترق كل الفصول ولا تبان وأنا في فوضى مكاني ملني الشارع ومات كان لي قنديل اوشك للممات مات قنديلي خلص زيت الحياة شفت يا فوضى المكان شفت هذا اللي رجم بابك وراح ما ترك الا عيون وعيت تشوف الصباح يلعن الطين الجبان يلعن الطين الجبان يلعن الطين الجبان اللي سكن عشرين عام بكوم ريش وما قدر في يوم يهديله جناح بس نضحك دون لكن |
صداع قوي جداً |
| الساعة الآن 10:49 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir