يالله عفوك
يالله عفوك يوم تصفية الحساب يوم حصاد لما زرعنا في السنين
يوم الحشر قرب ولا معنا زهاب اليوم في الدنيا وبكرة راحلين نجني ذنوب ونرتجي عفو وثواب وعلى نصر ربي لنا مستعجلين تدرون ليه آمالنا كنها سراب تدرون ليه النصر سيف الأوليين الأوليين أعمالهم وفق الكتاب قاموا عليه وباعوا الدنيا بدين وحنا غفلنا بين مالذ وطاب والنصر سيف ما يسله غافلين نصبح على شوف انتهاكات وخراب ونمسي على دمع وتنهات وونين بصدورنا شي تذوب اله الهضاب وأفعالنا والواقع رياح وطحين وعلى العيون من الفتن مثل الضباب معد درينا من يسار ومن يمين ما للضيف الا الدعا لو ما يجاب ما غيره الا الشوف مكتوف اليدين يالله زلزل تحت الأعداء التراب والطف بنا واحقن دماء المسلمين ندعوك يا قادر على جعل السحاب جيش لنصرة قلة مستضعفين أغرقهم بنوع من أنواع العقاب غرق الغلام اللي يحسب انه فطين لوما عصى نوح نجا به في رحاب سفينته وأمضى معه في العمر حين لكنه اختار الخساره والذهاب اصنع بهم صنعك به وانت المتين والا اخذهم يا مجري سود الحقاب أخذ العجوز اللي بقت في الغابرين ذوقهم اللهم أنواع العذاب اللي عثوا في أرضك أمن المفسدين وألطف بمن لبسوا من التقوى ثياب عبادك المستهدفين المتقين تكالبت عليهم أنياب الذئاب ولا غير عونك يا معين الصابرين من بينهم شيبه يعجزون الشباب من وقفته من طولها في الركعتين ومن بينهم بنت تون بلا حجاب أحجابها لفوا به الجرح المكين وطفل عن عيون أمه الثنتين غاب تبكيه عين وتلتفت لأخيه عين من هول ما يجري لهم شاب الغراب يا وسع حلمك وانت ما فوقك مدين دعيك وانت ادرى بحال أهل المصاب وأمد كفي لك يا أكرم الأكرمين كلمات المتألق الشاعر محمد بن فطيس |
الأخت الفاضلة ضي شاعر كشاعرنا محمد بن فطيس شاعر الملايين لا تقرأ له إلا من تجيد اختيار النص الشعري وتحسن التعبير اختيار موفق ومعاني صادقة ونسأل الله الإجابة لكل ما دعوتِ ودعا لنا من خلاله |
الاخت الفاضله والقديره ضي تسلمي على هذا النقل الرائع ابيات جميله جدا ورائعه كلمات وشاعريه من شاعر الحرف والكلمه يسلم شاعرنا القدير بن فطيس ودمتي بكل خير وموده اختي الكريمه |
اختيار موفق يا ضي
دائما يكتب ما يلامس القلوب وحظوره مبهر بن فطيس شاعر. متمكن وحرفه دائما تبقى بالذاكرة ......بوح واحساس جدا مميز .....كوني بخير صديقتي |
اقتباس:
اسعدني مرورك وبالفعل الشاعر المتألق محمد بن فطيس شاعر الملايين .. دمت بخير .. |
اقتباس:
أسعدني تواجدك المتألق هنا ... دمت بخير |
الأخت الفاضلة المبدعـــــــــــــــــة : ضي قرأت النص واستوقفتني جميع شطوره لأقف عند كل شطر فيه لأرى المعاني تتدفق ، وروائع المضمون تتفـــــــــجر من بين سطور النص لشاعر كبير : محمد بن فطيس هذا النقل لا تقل روعته وجماله عن روعة شاعرنا المبدع محمد بن فطيس فلك مني كل التقدير أختي |
كاتبتنا القديرة وأختنا الغالية ضي السلام عليكم ورحمة الله وبركاته للحرف مذاق آخر ...و نكهة أخرى مع بن فطيس ...هذا الشاعر المبدع لكلماتة وشاعريتة مساحات عابقة بالجمال ... ولنقلك المتميز ذوقاً رفيع .... بارك الله فيكِ أختيار جداً رائع ....سلمت اناملك بما خطت لنا لكِ مني كل الشكر والتقدير |
أختيار رائع أختي الكاتبة أ. ضي.. فقصيدة الشاعر الكبير بن فطيس مُعبرة بالحكم والوصايا القريبة من القلب .. بارك الله فيك.. |
اقتباس:
وتواجدك المميز وحضورك المبهج ... تسلمين .. دمتي بخير ... |
الساعة الآن 09:47 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir