|
يبان الشوق..مصافحة أولى...
السلام عليكم ورحمة الله وبركاته... مصافحه اولى الى هذا المنتدىالرائع .. متمني أن أكون ضمن هذه الاسره الراقية..
يبان الشوق في عيني وروحي م العنا تلفا وأداري دمعة(ن) باتت تجرّح مقلة أجفاني على ذكرى الهوى الماضي ونار(ن) ما رضت تطفى لهيب(ن) ذوّب جبال الجليد وجيت لك عاني أنا ماكنت أحسب أنك بتهديني الهوى منفى ولا في خاطري مره هقيتك يوم تنساني أنا كنت أحسبك وافي وأوفا من الوفا وأوفى يهون الجرح لو ترضى وتسكن ثورة أحزاني صدمني واقع(ن) مر(ن) كثير جروح به تضفى بعد صدك بعد هجرك بعد ظلمك وحرماني لعمري والهوى جرح(ن) له في مهجتي نزفا يبات الصب يشكوه متى كان الهوى جاني أيا عيناً لها شوق(ن) وتحضن فالدجى طيفا فدتك النفس لا تبكي إذا مالشوق أضناني "حبيبي"-لو غدا جرحي غيابك-كيف أنا بشفى "حبيبي"-لو غدا عشقي ترابك-وينها أوطاني حبيبي والأمل باقي على ميعادنا مرفا دخيلك فكر بمنطق ترى عمر الزمن فاني أنا مابي من الدنيا على حسابك معي تصفى إذا أنته وتر حزني أنا كيف أعزف ألحاني تخّيل أننا نجري وله وأقدامنا تحفى على درب(ن) بعيد هناك شوف هناك تلقاني وتخيّل لو على صدري تنام عيونك و تغفى تبي تركع على صدري تبي تسجد على شاني وتخّيل قلت لك مره أنا بردان أبي أدفى أنا لو في مكانك كنت أضمك حيل فأحضاني حشا ما أبوح بأسرارك وصعب أن العشق يخفى وأذا بيحت بأسرارك تفضل وأقطع لساني أذا موتي أنا بيدك فصدرك لمني تكفى ترى قبري أنا حضنك وثوبك باقي أكفاني |
الله الله الله ..
أسجل إعجابي بـ القصيدة .. جميلة الابيات وبالتوفيق لك |
يبان الشوق في عيني وروحي م العنا تلفا وأداري دمعة(ن) باتت تجرّح مقلة أجفاني على ذكرى الهوى الماضي ونار(ن) ما رضت تطفى لهيب(ن) ذوّب جبال الجليد وجيت لك عاني يااااسلام عليك يااراشد مطلع جدا جميل ورائع وتسلسل القصيدة رائع طاب لي النص بحق شكرا لك |
الشيخه أشكر أعجابك بالقصيده،،،وأشكر الصايغ كذلك،،ولاهنتو،،بس تعديل بسيط يالصايغ ترى إسمي سعييييييييييد وليس راشد،،،
|
هلا اخي كلمات جدا رائعه سلمت
|
صح الله لسانك يالمشرفي
وبارك الله فيك اهلا وسهلا بك بيننا شرفت المنتدى ويا مرحبا بك |
أخي العزيز سعيد المشرفي السلام عليكم ورحمة الله وبركاته بديةٍ أرحب بك في السلطنة الأدبية وبالأخص في قسم الشعر الشعبي صح السانك ولاهنت راق لي ما أبدعته بهذه الصفحه أمنياتي لك بدوام التوفيق ننتظر جديدك العذب فلاتبتعد تقبل مروري المتواضع من هنا |
أخي الكريم ؛؛سعيد المشرفي
مررت على البيان ؛واقتطفت باقة ملونة من حديقتك الغناء ؛الوارفة بالحب مؤججة بـ لهفة الشوق وحلقت معها كثيرا سيدي .. لروحك سلام واحترام كن بخير |
اقتباس:
استاذي الكبير والهامه الشعرية الشاعر سعيد المشرفي تتشرف منتديات السلطنة بحضور غيمك الماطر شعرا ارويتني شعرا منذ بدايتي ولا زلت انهل من ما تجود به اتمنى ان يطيل بقاءك هنا وان لا تنقطع لان وجود منهم مثلك يثري المنتدى اما القصيدة لا تحتاج الى من يشيد بها فأنت ادرى بأعجابي بكل حرف تكتبه لقلمك الشامخ كل التحايا |
مشكور يا علي،،،،السلطنة الأدبية جميله بوجوود الأقلام الرائعه الموجوده بداخلها ،،وهذا ما دفعني أن أنشر قصايدي وسط هالأقلام الرايعه لأن الشعر لايكون راقي إلا أذا كان أمام أعين راقيه و نقد واعي،، اشكرك والى الأمام دايما
|
| الساعة الآن 08:52 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir