|
بعرج على حيزومي من جاني الدّليل
السلام عليكم ورحمة الله وبركاته اخواني الاعزاء المحترمين اسعد الله اوقاتكم بكل خير وموده اليكم هذه المحاوره في فن الرزحه بين الشاعرين القديرين سليمان بن خميس البلوشي ( ود خمسات ) ومحمد بن جمعه العلوي وبيني وبين الشاعر القدير محمد بن سالم الراسبي ( ود كتوري ) في ولاية جعلان بني بو علي منطقة الغويله بالليل بتاريخ 3/9/2015 سليمان البلوشي ابدي بسلامن يدعاها الصّفوف تميل *** من جاتني الاماره والطّارش وصل ودّي بربيعن اسري به ظلام الليل ***** ما يرتعض لن سرت به سهل ورمل محمد العلوي حيا بسلامن ينضخ من ضفاف النّيل ******* نسمع هديله مع ترانيم الزّجل اطلق شراعك في بحور الارخبيل ******** بنخلّد المضمون في خط السّجل سليمان البلوشي بعرج على حيزومي من جاني الدّليل ******* بترّك البسيطه وبصعد للزّحل لي ما تمرّس صهوات الهجن والخيل **** لا يدّعي الفراسه وموروث الاهل محمد العلوي ارقب صعودك عند اجرام السّهيل ********* ولا على الشّابك تحيّن بالزّمل هاجوس فكري الليله م المغزى يهيل **** حسب الاراده وكل ذي امرن جلل سليمان البلوشي انا عارفنّك انك للمثل حفّيل ********* بونه حسين السّيره يرمس من عقل اذيه دولة التّمامي وفرسان المجيل ****** يلهم عوايد والصعل ينجل صعل محمد العلوي توّن همل مخزونك من عيارن ثقيل *** صوغن تناثر احسن من حل وحلل بن طوق زملي في حمى الضّنك الشّعيل **** ما بيننا شفّن قديمن ما رحل سليمان البلوشي الود ودي ليله تلاقي بي الكميل ****** من شفقتي ل محمد وشّلني الطّبل هذه السّنه يا صاحب ناوي ع الرّحيل **** والآدمي يبقى له خيره والعمل ومن ثم دارت محاورة مربوعه بيني وبين الشاعر القدير محمد سالم الراسبي عبدالله الراسبي بنخلفه المثل هوجاسي *** وبنطرّب جميع النّاسي آمرني عقيد السّيره ***** اخلف للمثل مربوع عنتر عنده وجسّاسي ***** كلهم عصبتن للرّاسي داعنهم سدّ وذخيره ***** والم فالامر والطّوع محمد سالم من هب الهوى نسناسي ** باخذ م الطّرب مقياسي ليلتنا ليله خضيره ***** قولن يطرب ومسموع وهيا يالحليله جاسي ****** ما دام البحر حيّاسي يقلب موجاتن غزيره **** ليته يستمر اسبوع عبدالله الراسبي صوغن صغته بكرياسي ** صافي م الذّهب والماسي حكمه والكلمه شهيره ***** منّه رجالن قنوع لو انّه الوقت غتلاسي ******* يبني للمثايل ساسي ما نشكي منه قصيره ****** وافي وللرّكيزه فروع محمد سالم اوّل من فوادي ناسي ****** وتو تحرك النّبراسي فتحي يالعين الضّريره **** وكحلي بلمة المجموع وناسن عندهم نوماسي **** زادوني قوّة حماسي زادوا وشلّوها البريره ***** ياللي تتربع ربوع عبدالله الراسبي انشد عنّه الدّرباسي ****** ياللي يحاوطه حرّاسي ساكن في غربي الجزيره **** يرعى فالمثاوي شوع مسوّر من حديد نحاسي *** وملبوسه حرير ولاسي يروي من صافي غديره ** عطيني فسره الموضوع محمد سالم تنشد والقلب حسّاسي **** في امرن حلو ودراسي كل حد قابظنّه مديره **** بامرن ما يله مرجوع وداعن والوقت محتاسي **** كلكم جملة الرّمّاسي متحذّر ونفسه حذيره ** يا صاحب هالامر مرفوع وتمت المحاوره |
الله الله ماشاءالله عليكم
ماقصرتوا محاوره طيبه وعلى راسهم المبدع الاستاذ القدير عبدالله الراسبي دمتوا بود |
محاورات طيبة
دمت بخير وود |
السلام عليكم أخي الشاعر القدير / عبد الله الراسبي شكر لك كل الشكر على التحفة الأدبية الفنيّة الرائعة أمثال وحكم ومعانٍ سامية، وإستحضار التاريخ ورموزه فضلا عن براعة النظم وجمال الحبك ويُسر الألفاظ محاورات جليلة فعلا أخي بو نصر حفظك الله ورعاك وشكرا للشعراء المبدعين وتقبل تحيّاتي |
الشاعر عبدالله الراسبي شكرا لك على النقل المميز محاورة رائعة من الشعراء جميعا ورمسه منظمه بمعنى الكلمة نتمنى لكم التوفيق ودمتم بألف خير. |
صح لسانكم جميعا
فجميعكم ابدعتم ودمتم جميعا بكل الخير والتقدير كنت هنا.. ضوء نص القمر ع.ق |
اقتباس:
في حضورك الراقي والمميز وما عليك زود ودمتي بكل خير وموده اختي الكريمه |
اقتباس:
ودمت بكل خير وموده اخي الكريم |
وعليكم السلام اخي العزيز الغالي ناجي جوهر الروع والابداع في حضورك الراقي والمميز تسلم على هذا المرور العذب والطيب وما عليك زود ولا هان شانك ايها الاصيل على كلماتك الراقيه ودمت بكل خير وموده اخي الكريم |
اقتباس:
في حضورك الراقي والمميز وما عليك زود ولا هان شانك ايها الاصيل ودمت بكل خير وموده اخي الكريم |
| الساعة الآن 12:29 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir