|
زمطـي ياديره
هذه مساجلة بين فيصل الهادي وسعيد السوطي في حاجر الخفيجي بولاية العامرات سعيد: انثرسلامي عد ما ساق المطر + وبعداد ماهلّت سحابه بديمتين وتخص قلب ناسن عربان المقر + اهل اللّطافه والجماعه الحاضرين فيصل: سمّيت بمن منزّل ايات القدر + الخالق الباري اله العالمين انثر سلامي اثقل من صمّ الحجر + لسعيد بن راشد عقيد المطربين سعيد: ناوي بزياره للخفيجي من شهر + اهل الكرامه حـ الكرام متقدمين لايخيب ظني ويصبح ف سجلّ الخسر+ يدّي فـ يدينك في المدن متلاقيين فيصل: زمطي ياديره بشوف اصحاب الفخر+ اهل الرياسه من سلالة خيرين سعد وغنايه الليله ياتاجر مصر+ فيها التجاره ليتنا متربّحين سعيد: ذي ليلة فيها المنازل تشتهر+ حتى القمر بلّي يسلّي الرامسين يازاخرالنمّير فضّي بالنهر+ بلّي يقيتوبه جميع الممرضين فيصل: نجم الزحل فوق المنازل ينتظر+ اربع ليالي في حساب الحاسبين اصوغ الصياغه من مناديس الصدر+ في البرهتيّه دارس من اربع سنين سعيد: دوس وتثاقل غاربي ماينكسر+ جملن وسيع الباهروالغارب سمين أحذر وليفي لن دهش بين الخطر+ وسط الفواد عضيد وكذلك ضنين فيصل: ويش المكلّف ترتمي فـ غبّة بحر+ مع ضربة الشلّي ورياح العاصفين اناشدك عن خمسه في كتاب الأثر+ مايشربو كاس المنيّه يافطين سعيد: ذاك البحر نمله سفتّه بلا فكر+ تقدير من رب الإله المستعين نحن اعتمدنا بديننا لي مشتهر+ ومجلّسنّه ربي بين الجنتين فيصل: ياسعيد بن راشد ابا منك فسر+ لاتعيل جانب احيدك رجّالن كهين امثال ابوزيد الهلالي افتخر+ سبعين طاحوا في يدينه خاضعين سعيد: كل شي فاني صاحب قولن مقتدر+ ولي هادم اللّذات عند الميّتين انا الذي اسمي سمومن والصبر+ يلّي يشربه ما يهنّي الشاربين فيصل: ياالمطربيّه ابكي خانبّي الدهر+ ودموع عيني ساكبه من جانبين اربع ميه طاحوا فـ صكة بني عمر+ طاحوا على كفّه ربوعن ميتين سعيد: اربع ميه وميتين وعشره في السطر+ وعشرين في الجمله تراناقابلين حن ماقرينا صاحبي كتاب النظر+ لـ بقيس ماتهذّرعليناالرامسين فيصل: محنه وبليّه لي مادارس ياصقر+ انا فـ مصيره وانته في بحور الصين ماحجّتي افتح بساتين العطر+ اعطيه ثنينه واربعه متكرّمين انتهت المساجله من غير ختام |
الله الله الله اخي العزيز القناص البارع تسلم على هذا النقل الجميل والرائع محاوره جميله جدا ورائعه في فن الرزحه وفي غاية الجمال والابداع وسلموا شعرائنا الافاضل مبدعين وتقبل تحياتي تثبت لجمال المحاوره ملاحظه بسيطه ارجوا تغير هذا الاسم المستعار وتظهر لنا باسمك الحقيقي |
أخي العزيز القناص البارع السلام عليكم ورحمة الله وبركاته شكراً لبيان الشعر والذوق الرفيع لاهنت وانا اخوك وبيّض الله وجهك على هذا النقل محاورة راقية جداً وفيها شئ جديد .. من الابداع .. والجمال .. والعذوبه ماقصروا شعرائنا الأفاضل همسة أخويه ... الأسم الحقيقي يبرز موهبتك ويعطيك بريق إعلامي في التواصل ويحفظ حقوقك الأدبيه .. أرجوا التغيير . سجل إعجابي وتقديري العميق |
أخي العزيز القناص البارع نقلك للمحاوره جميل وملاحظة الأخوة عبدالله وسالم هي الأجمل تسلم ولك الود |
اقتباس:
----------------------------------------------------- مشكورأخي العزيز القناص البارع على نقلك لهذه المحاورة بين الشاعرين أبيات جميلة ورائعة ولاتخلوا من التحدي تقبل مروري وتحياتي العطرة أخي الكريم |
شكرا على النقل أخي العزيز
|
مشكور الشاعر عبدالله الراسبي وماعليك زود
|
مشكور الشاعر سالم الوشاحي وماعليك زود
|
مشكور الشاعر ابو هلال السوطي وماعليك زود
|
مشكور الشاعر عامر الناعبي وماعليك زود
|
| الساعة الآن 09:13 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir