|
سدرة آمالي
: . ياكثر الأفكار تسبح في فضا بالي ــــــــــــــــــــ ,,, تزهمني حروفها من قبل لأزهمها لاجرهد الليل دك الصدر همالي ــــــــــــــــــــ ,,, سيله يفج الحنايا لين يوسمها عزي لحالي ليا من صرت بلحالي ــــــــــــــــــــ ,,, ونوافذ الصبح ابدت لي تجهمها ياليل ياكم فقدنا واحد غالي ــــــــــــــــــــ ,,, كانت هنا جرته والوقت دمدمها تعبت من كثر ماطيفه يورالي ــــــــــــــــــــ ,,, واشعر بفقده وعبرة وجده اكتمها ياكم تغنيت لعيونه وغنالي ــــــــــــــــــــ ,,, ذكراه للحين ما بادت معالمها لاطرّف الليل واقبل فجري التالي ــــــــــــــــــــ ,,, جتني عسوسه ملففة عمايمها كني بها لادنت مني وانا سالي ــــــــــــــــــــ ,,, تنشد عن الحال وتجدد مأتمها لويكسي الحزن صدري ثوبه البالي ــــــــــــــــــــ ,,, انا دموعي قبل شوفه مولمها رياح الأيام تنحت شامخ جبالي ــــــــــــــــــــ ,,, وانا بعون الولي والصبر أقاومها لوكل شي تمنيته تهيالي ــــــــــــــــــــ ,,, ماكان نفسي هبوب الياس حطمها والساقي اللي يمر بسدرة آمالي ــــــــــــــــــــ ,,, لوشح في ماه مالانت عزايمها ولو ينبت الحقد بين وجيه عذالي ــــــــــــــــــــ ,,, ماشفتني عندها وبروحي اخدمها اكون عالي ولكن غير متعالي ــــــــــــــــــــ ,,, وان شفت ذرة كبر في نفسي اخزمها العذر طبع الكريم وحكمة الوالي ــــــــــــــــــــ ,,, تخون الأعذار هقوة من يقدمها ياكثر الأسماء في بالي وجوالي ــــــــــــــــــــ ,,, لكن ماهو كلها دايم اكـــلمها الا الذي في خفوقي منزله عالي ــــــــــــــــــــ ,,, لا والله إلا ثـــوانيه اتغانمها لاضاق صدر الحياة وشانت احوالي ــــــــــــــــــــ ,,, نبرات صوته جيوش الحزن تهزمها : .عطاالله ممدوح |
أخي عطا الله ممدوح يسعدني أن أكون أول المارين بقصيدة لطرق جميل من طروق الشعر النبطي طرق أعشقه بالفعل : هو الهجيني الطويل .. قصيدة مميزة وقافيتها في مشدها وقفلها تثبت شاعريتك التي يشرفني أن أتحدث عنها صح لسانك أيها الشاعر ولا هان منطوقك .......... |
انتقاء متقن لمفردات القصيده
اصفق لك اعجابا بروحك النقيه تحياتي لك |
أخي العزيز عطاالله ممدوح السلام عليكم ورحمة الله وبركاته قصيده بيضاء في معانيها شاهقة في حروفها أبدعت وامتعت جزل بجدارة نبض ودهشة حرف لله درك إيها الأصيل صح السانك ولاهان منطوقك ننتظر إبداع قلمك فلا تبتعد عن هنا |
لويكسي الحزن صدري ثوبه البالي
ــــــــــــــــــــ ,,, انا دموعي قبل شوفه مولمها يا سلام ياعطا الله....مافيك حيله ..تسلم يمينك على هالشعر المنفرد... وعساك ما تفقد الغالين يارب..فهم دائم فالقلب..ولو أبعدتهم الأقدار... لك الود يالغالي... |
انت رائع اخي عطا الله نص جميل كجمال حضورك لك التوفيق |
كلام جميل جدا صح لسانك ما عليك زود تقبل مروري |
اخي العزيز عطاالله ممدوح جميل ما خطت به يمينك من مفردات ومعاني جميله وطيبه يسلم قلمك على هذه القصيده الرائعه واصل ابداعك وننتظر جديدك بكل شوق تقبل تحياتي اخي العزيز |
ولو ينبت الحقد بين وجيه عذالي
ــــــــــــــــــــ ,,, ماشفتني عندها وبروحي اخدمها اكون عالي ولكن غير متعالي ــــــــــــــــــــ ,,, وان شفت ذرة كبر في نفسي اخزمها صح لسانك ومافيك حيله.. وربي انك وااافي اعجبتني القصيده ,,, شاعر متمكن وبطرق ممتع |
اقتباس:
لاهنت اخوي خليل بيض الله وجهك شرفتني بحضورك وردك الجميل ممتن لك يا نقي |
| الساعة الآن 12:00 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir