|
منين نجيب الفرح ؟؟؟ بقلمى سهام ماجد
منين نجيب الفرح ؟؟؟ http://4.bp.blogspot.com/_WtgP4lsKV1...1600/tears.jpg غـصــب عنى ... نـزلت مـن عـينى دمعــة قلت للأحزان روحى عملت لى مش سامعه صرخت بأعلى ماعندى لكن ماطلع لى صوت م الدنيـا همشـى خلاص وليكم مش راجــعه الظلم زاد ليه يابشر وع القسوة متفقين؟ مركزين كل النظـر على الناس الطيبين مال قلوبكم ملاها الحقد والغيرة؟..فوقوا قبل ما تلقوا نصيبكم فى أعـز الغاليين طلبوا منى للدمــع والأحزان أنا أبيع وأشــترى بتمنهم فـرح يملا الينابيـع رحـت للبيـاع لجـــل أشــتــرى منــه قالى خدوه أهل الفرح أصله مش للبيع منين نجــيب الفرح والدمع جارحنا قالولى داووا الجرح زادت مجارحنا انا قلت صبرى نفد ع الظلم مش قادر م الحزن قلبى انفطر تاهت ملامحنا بقلمى سهــ ماجد ــام |
.../...
...بين الفرحْ والحزن-أختي الكريمة سهام ماجد-شبَهْ كبير مع أمنا الطبيعة اللي خلقها ربُّنا حوالينا..!!
هي مُشْ بتكشرْ وتكتئبْ في الخريفْ..وبعدين تبكي وتنوَّحْ في الشِّتَا..وبعدين تلاقيها مبتسِمه في الربيعْ..ورايحه عَمَّال تضحَكْ في الصِّيفْ..وبعْد دا كوللو تنعادْ الحِكايه من جديدْ..؟؟!!! أهُو الفرحْ والحزن في دنيانا عاملْ زي الفصول الأربعه دِي... وحكمة ربنا اقتضتْ إنها تعمَلْ على المَوَّالْ دهْ..!! يَعني لا حِلو دايم..ولا مُرِّ دايْمْ... ويعجبني أوي الأستاز صلاح جاهين-الله يرحمو-في رُباعياتو لما يهمسلِنا في رائعة ( عَجَبي ) وهو بيقول : حاسبْ من الأحزان و حاسب لها حاسب علي رقابيك منحبلها راح تنتهي و لابد راح تنتهي مش انتهت أحزان منقبلها..؟؟!! عجبي..!!! يأسك و صبرك بين إيديك و انت حر تيأس ماتيأس الحياه راح تمر أنا دقت مندا ومندا عجبي لقيت الصبر مر وبرضك اليأس مر..!! عجبي..!! في أحيانْ كِتيره-أختي-بنحب إننا نداري حُزنِنا وجراحْنا ودْمُوعْنا وراء ابتِسمتنا..وملايناشْ سِكَّه أخرى غير الابتسامه الباهته نبَرِّدْ بيها النار القايْده جُوَّانا.. وكأنوا غصبًا عَننا نبكي بابتسامه..!!! الله يرحَمْ عمنا محمود بيرم التونسي وبشبش الطوبه اللي فوق نفوخو لما راحْ يعتبْ عالبنفسَجْ ويقوللو : (( ليه يا بنفسج بتبهجْ وانتَ زهر حزينْ..؟؟!! ))... واللهِ مش عارفْ-أختي-ليه مرتْ عليَّ الافكار دي وانا بقرأ طقطوقة ( الفرح الحزين ) اللي أبدعتي فيها وبكل جمال الإبداع..؟؟ اتمنى إني قريتْ ما وراءَ الأسطر قراءة قريبة من المعاني الدامعة اللي زرعتِيها خلف الكلمات... ودمتِ بيننا بخيْر أختي الفاضلة... |
الله ليه يا ختي ايش الي مزعلكي ويا سلام يا ختي عليكي بتزعلي ليه وانتي البكي الطيب الكبير
الي مي شيليش قواه الا كل الطيب" يا لله يا حبيبتي رؤءي وضحكي وانسي كل الهم" يا اموره يا طيوبه ولكي مني كل الحب يا حلوه انتي" |
اختي سهام ماجد معاناة تستمر وستنتهي يوما ما ...
صراع الحزن يلاحقنا ... ولكن سيأتي يوما نفرح فييه .. راق لي حرفك .. كوني بخير .. |
الفرح سيظل دائما الأغنية التي لن نمل من ترديدها حتى لو حاولوا سرقته منا حتى لو حاولوا مصادرته سيظل أنشودتنا العذبة التي لا نمل من ترديدها وحلمنا الذي لا نيأس من انتظاره طالما أن الشمس تشرق كل يوم طالما أننا نؤمن ان هناك رب رحيم يقول لنا ( وإذا سألك عبادي عني فإني قريب أجيب دعوة الداع إذا دعان) مبدعة أنت أخية |
اقتباس:
أخى الفاضل يزيد فاضلى أشكرك للتواجد الراقى الذى دائما يتوج متصفحى كما أشكرك لروعة هذا الرد أخى الفاضل بارك الله فيك ولك ولا حرمنا روعة هذا الحضور شكر بلا حد سهــ ماجد ــام |
اقتباس:
حبيبة قلبى السعدية كم أسعدنى هذا التواجد الرائع بروعة قلبك والمفعم بالحب ونقاء القلب بارك الله فيكِ ولكِ ولا حرمنا روعة هذا القلب شكر بلا حد سهــ ماجد ــام |
الاخت الفاضله سهام ماجد تسلمي على هذا البوح الراقي والجميل نص جميل جدا ورائع رغم الحزن والالم في كلماتك ومفرداتك الطيبه واصلي ابداعك الجميل وننتظر جديدك هنا دائما بكل شوق ودمتي بكل خير وموده اختي الكريمه وتقبلي تحياتي |
اقتباس:
أختى الحبيبة ضى البدر أشكرك للمرور الراقى والمحبب لقلبى لا حرمنا الله روعة هذا الحضور شكر بلا حد سهــ ماجد ــام |
| الساعة الآن 01:59 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir