|
أهل المحاكم حاولوا
محاورة ودردشة بين قروب هامة المجد وقروب نجوم الشعر والميدان بين مجموعه من الشعراء بتاﻻيخ6/7/2015 عبدالله السيابي: العشاق لازم يبتلوا والحب طعمه يختلف مره شقى ومرة حلو تعبان من ريم الفلا خلا الهبايب ينزلوا والخاتمه اهل العشق محنه وتعب لين ابخلوا سالم سعيد المحيجري: أهل العشق ما ينتلوا لي عشقهم سبب جراح ميفيد لو اتعالجوا أحسن يثنوا كلهم ما ينفعوا لي تقدموا تالي تلحقه لايمه يوم كلهم يتعاملوا والخاتمه يا أهل القروب هدوا الوضع لا تهجلوا عوض شحاري: القول بتليه أب تلو ما دام كنتوا عازمين شدوا العزم و توكلوا يوم الهبايب حاضره ثوروا من السفره كلوا والخاتمه حط الخدار بتشوفهم يتململوا جمعه الراسبي: سالي القلب وانتوا سلو أعضاء لجروب الكرام صفوا النفس وتواصلوا هيش استوى وهيشن حصل أبسط سبب ما يقبلوا أول إذا يقصر أمر تشوف العوادي كملوا واليوم حكام الجروب عنها الرياسة تنازلوا لا حولة يا سلمى الدنا والله ما يستاهلوا الشكوى لك ربي الولي وعن هالطريقة بدلوا والخاتمة تم المثل أمة محمد هللوا سالم سعيد المحيجري: ناسن كثيره استعجلوا هذه قرارات المدير يوم ن علينا تآمروا ما قطهم كثر الكلام ثاروا يلوحونا بالدلوا مهجيت منهم صاحبي وعلى كذا يتواعدوا حد قالها بعد رمضان بينصبوا وبيعينوا ينوو عليهم بانقلاب يلي قبل لي ترأسوا والخاتمه يمعه صبر لين العوادي يفطروا سليم الحارثي: اسمع تلاحينن حلو الليله السمر ماخذ حﻻه سالم وجمعه تخيلوا وخلي الذي يدور عذر مانلومهم لو يبخلوا والحاتمه نجوم الشعر سمعوا المثل وتململوا سالم سعيد المحيجري: أهل المحاكم حاولوا قاموا يحفظون الملف بعدين ثنوا استأنفوا بيفكروا للمصلحة وحال الرياسه عجلوا ميفكروا فهذه الدنا كل يوم يزدادوا بغلو أنته يبو طاهر وقف بعد الحكم بتكلموا من كان وافي حكمهم بالخير هموا واعملوا تمت |
اقتباس:
أخي العزيز الشاعر المتميّز سالم المحيجري شكراً جزيلاً لك على إبرازك لنا هذه المحاورة الجميلة والشكر كذلك موصول للشعراء الذين شاركوا معك وماعليكم زود لكن لفتت إنتباهي الكلمة التي قمت بتلوينها بالأسود وأعتقد ان الأصل (لاتجهلوا) تقبّل مني مروري وإعجابي واجمل تحياتي |
سالم سعيد
تسلم يمينك وصح لساانك ولسان الشعراء رديات ممتعه جدا تجملتوا |
اقتباس:
شكرا لك على مرورك الكريم وتعليقك المميز هنا أخي عامر (هجله)بمعنى الإزعاج والربشه قصدناها وليس الجهل شكرا لك على ملاحظتك القيمة بارك الله فيك ودمت بود. |
اقتباس:
صح بدنك سعدت بتواجدك هنا وتعليقك المثري للمتصفح نتمنى لك التوفيق دمت بكل خير. |
أخي الغالي سالم سعيد المحيجري السلام عليكم ورحمة الله وبركاته نص جميييل ومحاورة طيبة ...بقدر الجمال فيها استمتعت صح السانك والسان الشعراء الأفاضل ... الله يعطيك العافية ..,. واصل فنحن من متابعينك تحياتي وجل تقديري |
اقتباس:
الأستاذ سالم الوشاحي شكرا لك على مرورك الجميل هنا وإثراءك لمتصفحي بهذه الكلمات دمت بكل خير ونتمنى لك التوفيق |
اخي العزيز والشاعر القدير سالم سعيد المحيجري محاوره طيبه ورائعه صح لسانكم شعرائنا مبدعين فقط ملاحظات بسيطه ارجوا الاخذ بها وقد وضحها الاخ عامر الناعبي ودمت بكل خير وموده اخي الكريم |
اقتباس:
شكرا لمرورك هنا وتعليقك للمتصفح دمت بخير أخي الكريم الملاحظة السابقة تم توضيحها للأخ بارك الله فيك |
تسلموا ماعليكم زود ماقصرتوا
|
| الساعة الآن 03:26 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir