|
(ساجي الطرف)
أخواني الأعزاء شعراء منتديات السلطنة الأدبية إليكم قصيدتي الجديده وعسى ان تشفع لي بعد غيابٍ طويل. غــنّــم يــالـمْـغــنــم وشــل الــدّلـه *****وقـنّـد بـنـات الـفـكـر مـن فـنـجـالــه لـي ع الـيـمـر تـقْلى ودوم أتـخلّــه ***** وبـْزعـفـران وهــال تـصْـفى دلالـه ويـن الـثـمـر طــايـب وزايـد فـلّــه ***** وارتـاح ياللي مْريح... بـين ظلالـه ذكّـرتـنـي بـوقـتٍ مـضى لي ولّـــه ***** وأيـام مـن عـمـري مضـت تــتْـالـه باللي عـيـونه نـاعسه ومـشهلّـــه ***** ساجي الطْرْف والكحْـل ماخلاّ لــــه سـيـف اليماني برمش عيـنه سلّـه ***** نـظـرات عـيـنـه سـاحـره قـتـالــــه حـبّـه سـطى في ضامري واحـتلّـه ***** وضـلـوع صـدري كلّهـن فـدوا لــه لـه بـيـت فـي وسْـط الـحشـا بـانلّه ***** مـرفـوق مـايـسكـن أحـد عـــدالـــه سـاعـة اشـوفـه قـلت له بـسـم الله ***** كـل الـجـمـال الـيـوسـفي فـقــبالــه ذاك الــذي طـوّق ع قــلبي كــلّــــه ***** واحـكـم لـجـامـه ووثّـقـه بـعـقـالـه قـول الـحـسـود الـيوم عـنّـي شـلّـه ***** نـاسـن سـعـوا بـيـني وبينه انذالـه أدْعـى فـــؤادي طـايـحٍ بـــه عــلّـه ***** ونــارٍٍٍ فـ يـوفـي تـوتــقـد شـعّـالــه مـاراف بــي أبــداً بـــعـــد لاحــلّــه ***** راح وتـرك قــلـبـي جـريح الحالـه لأن الــشجرمــايـرتــوي بـالـطـلّــه ***** دام العرق فـ الأرض مـــــاشيّــالـه غـصـنـه يـبـاس ولايـسـوي ظـلّــه ***** واوراق فــنّــه طــايــره تــتـغالـــه هـذا الـعـشـق هـم ونـكـد ومــذلّـه ***** واللي مـشى بـه طاح وسط احباله مـايـنـفـعك تـتـبـع طـريـقـه خـــلّــه ***** جـنّـب دروبـه ولا تـمر احـــذالـــه لو زاد فــي مــالـك حـصـاد الـغلّــه ***** أحـسـب حـسابـك للدهر وأهوالــه |
الله الله يابوعبدالله من طول الغيبات جاب الغنايم صح ألسانك والله على هاي الكلمات البدويه الراقيه تراك أبدوي وراعي أصايل وخلنى نلتقيبك طال عمرك في العزبه عليك تأخير وايد
|
اخي العزيز علي الوشاحي ابيات رائعه وجميله جدا يسلم قلمك الجميل على هذه القصيده الطيبه ومن مثلك لا يطيلون الغياب عن المنتدى فانتم تملكون اقلام مبدعه ورائعه مبدع اخي العزيز وننتظر جديدك بكل شوق تقبل تحياتي |
قصيده مميزه
الله عليك تسلم ايدك |
علي الوشاحي
ونعم وسبعه فيك والله بكل امانه نص مميز راقي جدا به من روائح شناص الكثير الكثير وانا لااول مره أصافح حروفك هنا أرحب بك بين هذه الكوكبة المميزه واتمنى أن تواصل المسير معنا والنص لا غبار علية عاطفى بدوى بصيغة شاعر أحكم السيطرة وشد الوثاق وابدع لك التقدير والتحية.. |
اقتباس:
أخي محمد الشريقي مرورك وسام على صدري ربي لاهانك إن شاء الله طال عمرك |
لأن الــشجرمــايـرتــوي بـالـطـلّــه ***** دام العرق فـ الأرض مـــــاشيّــالـه
غـصـنـه يـبـاس ولايـسـوي ظـلّــه ***** واوراق فــنّــه طــايــره تــتـغالـــه علي الوشاحي.... اطربتنا يا خوي قصيده جميله وسلسه....قافيه متناسقه ابدعت في تركيبها... اعجبتني كثير من الأبيات لو زاد فــي مــالـك حـصـاد الـغلّــه ***** أحـسـب حـسابـك للدهر وأهوالــه |
علي الوشاحي
صح السانك مدد بلاعدد وافي ولاعليك زود لقد أطربتنا بهذه المعزوفه لقد شفعت وكفت |
اقتباس:
تسلم أستاذ عبدالله رايتك بيضا ,, الروعه تكمن في مرورك من هنا طال عمرك ولن يطول الغياب إن شاء الله سنكون حريصين على التواجد |
اقتباس:
التميز والروعه هو تشريفك قصيدتي شاكر ومقدر لك مرورك الراقي ماعليك زود |
اقتباس:
الأستاذ سالم الريسي الله ينعم بحالك ,, وجودك هنا تشريف طال عمرك .. سعيد جدا بتواجدك الرائع الله لايهينك وبيض الله وجهك على روعة الحضور تحياتي لك من القلب |
الوشاحي ما عليك زود
تسلم يالوشاحي بيض الله وجهك يالوفي الاصيل كفيت وفيت يالعزيز تحياتي / صالح |
أبوعبدالله صح السانك متميز بهذه المفردة لقد أرويتنا شعراً فقط لاتغيب |
أخي الكريم ..علي الوشاحي
حضور مختلف يشفع لك الغياب ؛أوقدت مواسم الزهر في عقود الحواس ؛فاشتعلت ودا وتحنانا... تقديري |
علي الوشاحي صح السانك ملااااين قصيدة رائعه بحق |
اقتباس:
أخي تركي مرورك زاد قصيدتي تشريفاً والإبداع كلماتك أستاذي ربي لاهانك |
اقتباس:
سيف الكتبي شكراً لوجودك هنا تشريف طال عمرك |
اقتباس:
أستاذي صالح السنيدي وجهك أبيض ربي لاهانك تسلم طال عمرك وجودك تشريف |
اقتباس:
أختي الكريمه فاطمة الفرعي أشكر مروركِ العذب من هنا وكلماتكِ وسام على الصدر ربي لاهانك |
اقتباس:
أخي العزيز ناصر صح ابدنك ياخوي تشريف هذا الحضور ربي لاهانك |
اقتباس:
أخي الغالي أبوسامي صح ابدنك ولاهنت مرورك تشريف طال عمرك واعتذر على الرد المتأخر شكراً على الحضور الراقئ |
| الساعة الآن 05:06 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir