|
تفداك روحــــي يا غلا الروح تفداك ويفداك عمري وكل مراحل سنيني الحب ميناء وانته القلـــــــب مرساك وكل شي حبيبي صار منك يحتويني وتهيج الإحســـــاس من بسمة شفاك ويا ما حضنتك وسط صدري ويديني لا من غبت لحظه عن العين ترجاك جزل المشــــاعر تبقي قلبي حزيني ولن جفيت الــــــدار وخليت ذكراك متعوض الذكرى شعوري وحنيني ابكي علــــــى الأيام وفي قلبي بكاك لأنك حبيبي ودم قلبي و أوكسجيني وحتى في نومي وأنا أتمنــــــى لقاك واكتب على المسحوب ماهو هجيني تفداك روحــــي يا غلا الروح تفداك ويفداك عمــري وكل مراحل سنيني |
يا غيمةِ حبلى تطفــــــي البراكين بالله تعالي طفــــــي بركان شوقي ورمي رثام الشعر وسط البساتين تنبت قوافي الشعــر داخل خفوقي تزهر ورود الشـوق بين الرياحين وتخنق أهات القلــــــوب الخنوقي قل للذي ينوي بطعـــــن السكاكين سكينته وصــــلت لقلبي وعروقي جل المشاعر تنشـــري مالدكاكين والحر حر(ن) ما يقيد بطــــــوقي يا كيف يمسي الريم بين السراحين! ويطلع عليه الصبح حيٍ طلـــوقي ويشرب العصفور من سم الثعابين ويطير طول اليوم من غير عوقي |
" حكاية حب " بدايتا ًحكاية حب .. على دفتر شعور الصمت .. آنيين وماضي وأسرار .. تغطيها ظلام الليل .. هواجيس الغرام .. وتولع كل فوانيسي .. الين الحلم في وجهي صرخ .. وباح فأعماقي " صدى الإحساس " ويتردد بآهاته .. موسيقى وشعر .. وتوزن لي معاناتي .. خرايبها .. تفلسف في شذي النسيان .. بعد ما فاقت اذكر البطولة .. و نخوة الإنسان .. جلست فصومعة ذاتي .. اطلع صورتك وابوووح .. على عكس المرايا صورتكِ .. كذب ونفاق .. وتختم لك حكايتنا ً.. “ الم وفراق “ |
احترام ما كملت من بعد حبـــــــك غير عام وقمت ترسل لي من عيونك سهـــام يوم ِلبست الضيق من همك ورحت اقطف من ورود الكـــــرامة احترام واستغربت منك المشــــاعر لي ربت داخل خفـــــوقي بكل معزه واهتمام هرجت لك صافي كلامي واكتشفت! باني مغفل يوم كنت أرسـل ســــلام وش هو ذنبي لأني في حبـك وثقت وش هو ذنبي لأني أبديت انسجـــام من جنوني طيف بأحــــلامي صنعت وتخيلت طيفك على صـــدري وسام استنكر إحســـاسي وأنا عنك بحثت من بين أوساط المشــــاعر ازدحام ولمت لك أجزاء روحـــي وازدحمت متسلح الذكــرى على وسطــي حزام لين جاتني منك رسالة وانصـــدمت ! انخطبت فـــــــــلان من واحد همام! انخطبت اليــــــــــوم والله انخطبت! تعرف محمــــــد معه قروش ومقام! وأنت عنــــــــدي مثل لعبه وانتهت! والحين ما بيني وبينك أي كـــــــلام! وتناثرت أشلا روحـــــــــي وختفت كل الملامح لي يغطيها الغـــــــرام كنها سحابه غطت أنفاسي ورضت وطارت أحلامي مع أسراب الحمام وش همني يوم ِعلى أرضك ذبحت كل الشعور وما بقى غير الظـــلام يوم ِلبست الضيق من همك ورحت البس من ورود الكـــــرامة احترام خليفه الفارسي 30/5/2012 |
بنت الفيس
كم واحدن فالفيس سوون إعجاب ما غيرك انتي يا بنيه علامك ما تذكري كنا على عز واحباب ولا نسيتي كل حرف ف كلامك ما تذكري يوم كان في يدينك خضاب وتبقى فيديني ريحته من سلامك من يومها وآنا أعطر لك كتاب وأبني تفاصيل الوله في مقامك سويت في دفتر شعوري لك حساب واكتبك وأحسب ضحايا سهامك ولو يستوي صيد المشاعر بنشاب لا طيحت كل المشاعر أمامك ضو الشمس لا شق فالفجر سحاب تسحب خيوطه كل ملامح ظلامك وآنا على م أنا أسوي لك حجاب يمكن يصير ف يوم واظفر غرامك وتخيلي لا صرت ف الدهر حطاب أجمع من شعوري شظايا حطامك يا بنت لا تنسي تسوين إعجاب أما بكلمه ولا بصمة بهامك خليفه الصائغ |
شرطي المرور
ياليتني اصبح مثل شرطي المرور تشرق عيوني في شوارع جيتك ولو يستوي وقف الإشارة بالشعور ﻻ وقفت حمر الإشارة لطلتك شفت الندى اللي على كل الزهور يجمد مكانه من ملامح نظرتك ذي حالتي وانا انتظر وقت النشور والشمس تنشر من حواجب جبهتك من مر نيسانك وانا قلبي يثور واترك مواترهم واقفي خطوتك |
كل عام وانتي يا " حبي " بالف خير جيتك "مقاود" فرحتي ،،،ومالعايدين يا كم امني النفس ،،، بالعيد الصغير لو نلتقي بخدود ،،،،،، وصفاح اليدين والروج بشفاتك ،،،، وانا قلبي يغير ممكن تخلينا بداله ~~~~ساعتين تلقيني من كثر الفرح طائر ،، واطير ﻻني ذايق من شفاتك ~~ سكرتين وانا عشقت الحنا في ،،،،،يدينك كثير هي كثر م عيني وقلبي ~~عاشقين ثوب الفرح والعب في ،، عيال الفقير مع فرحة الدنيا ،،،،،،ورضى الوالدين صرنا نجاهر بالفرح ~~ وين الضمير واخواننا واهل العروبه ~~~ميتين م العطش ، والجوع ، والبرد العسير متشردين ، متشردين ، متشردين خليفه الصائغ |
العيد قرب بنتحرى ~~~~ هلالك شكلت لك ياخل ~~~ لجنه تحري منظار شعري عم كل ~~ الممالك بس ينتظر من ~~جزء طيفك يمري قناص يقنص مالهوى ~~ما بدالك هالطير طيري والشعر صار وكري شفت الجمر اللي عليها ~~ دﻻلك الجمر صدري والواهيب ~~قدري طفي لهيب الشوق ، سكبي وصالك مده شهر والشوق يغتاب ،،صدري خلا على صحنه ~~~مﻻمح خيالك وثارت فقاقيع اﻻمل فيه ~~تجري برخي حبالي ،،،،وانتي ارخي حبالك عن تنقطع مالشد ،،،، اوتار شعري كل عام ~~~وانا كل حياتي حلالك وكل عام وانتي لي،،هﻻلي وقمري خليفة الصائغ |
لو الكرم اصبح مثل ،،،،، ما يقولون كثر اللحم والعيش ،،،وقت العزيمه بياض الوجه ماهو مثل ما يشوفون بياض الوجه يرقى ويرقى نعيمه بعض العرب للفشخره بس يعزمون وللفشخره نظرات جدا ،،،، عقيمه اخواننا ياهل العروبه ،،،،، يموتون من كثر ما ذاقو ،، القهر والظليمه هم في المجاعه والملاجئ يعيشون متلحفين الجوع ،،،، واجواء عتيمه هم في المجاعه والمﻻجئ يعيشون هم ياكلون الذل مثل ~~~ البهيمه هم في المجاعه والملاجئ يعيشون لو حصلو عصفور يصبح ~~ غنيمه هم في المجاعه والمﻻجئ يعيشون وحنا في راحه وعز وعيشه كريمه ياهل العقول الباليه شوفو وشلون كيف عايش اﻻنسان من دون قيمه؟! شف قصرهم خيمه وبرع ،، ينامون كيف يحتضن الاطفال عيشه آليمه هذي هي الدنيا مثل ،ما تشوفون ما تصير للمسكين قسمه سليمه لو خلدت الاموال ما مات ،، قارون وما صار له فرعون موته عظيمه العز لو هو قوه ما مات ،، شارون من بعد ما فالقدس سوى الجريمه خلف ثكالا والثكالا ~~ما ينسون يا كيف ينسو كل ،، نكبه وخيمه لو بدلو كبر العزايم ~~~وسون ﻻهل الملاجئ م العزيمه قسيمه ما صارت الدنيا مثل ما ،،تسمعون بس يلبسو اهل العزومات شيمه خليفة الصائغ 4/8/2013 |
| الساعة الآن 10:16 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir